దేశంలో పౌరసత్వ సవరణ చట్టంపై జరుగుతున్న ఆందోళనలతో ఆత్మరక్షణలో పడినట్లు భావించకూడదన్నారు ప్రధానమంత్రి నరేంద్రమోదీ. ఎన్డీఏ పక్షాలు సీఏఏకు బలంగా మద్దతివ్వాలని పిలుపునిచ్చారు. దిల్లీలో జరిగిన ఎన్డీఏ పక్షాల సమావేశంలో ఈమేరకు దిశానిర్దేశం చేశారు మోదీ.
సీఏఏ.. ముస్లింలకు వ్యతిరేకమని వాదిస్తున్న విపక్షాలకు దీటుగా సమాధానమివ్వాలని మోదీ పేర్కొన్నారని సమాచారం. సీఏఏ ద్వారా ప్రభుత్వం ఎలాంటి తప్పు చేయలేదని, ఆత్మరక్షణలో పడినట్లు భావించేందుకు ఆస్కారమే లేనట్లు మోదీ అన్నట్లు తెలిసింది.