ఆ 9రాష్ట్రాలు-కేంద్రపాలిత ప్రాంతాల్లో కేసుల్లేవ్​!

గడిచిన 24 గంటల్లో దేశవ్యాప్తంగా కరోనా కట్టడిలో మెరుగుదల కనిపించినట్లు కేంద్ర ఆరోగ్యమంత్రిత్వ శాఖ తెలిపింది. 9 రాష్ట్రాలు- కేంద్రపాలిత ప్రాంతాల్లో కొత్తగా ఒక్క కేసు కూడా నమోదు కాలేదని స్పష్టం చేసింది.

దేశంలో కరోనా వ్యాప్తి నియంత్రణలో మెరుగుదల కనిపిస్తోంది. గడిచిన 24 గంటల్లో 9 రాష్ట్రాలు, కేంద్రపాలిత ప్రాంతాల్లో కొత్తగా ఒక్కరు కూడా వైరస్​ బారిన పడలేదని కేంద్ర మంత్రిత్వ శాఖ తెలిపింది. కేసుల రెట్టింపు సమయం 12.6 రోజులకు మెరుగుపడినట్లు స్పష్టం చేసింది.

9రాష్ట్రాలు- కేంద్రపాలిత ప్రాంతాల్లో కేసులేవీ నమోదు కాలేదు. అవి.. అండమాన్​ నికోబార్​ ద్వీపాలు, అరుణాచల్​ ప్రదేశ్​, దాద్రా నగర్​ హవేలీ, గోవా, ఛత్తీస్​గఢ్, లద్దాఖ్​, మణిపూర్​, మేఘాలయ, మిజోరం.​

హర్షవర్ధన్​, కేంద్ర ఆరోగ్యశాఖ మంత్రి

దేశవ్యాప్తంగాబుధవారం ఉదయం 8గంటల వరకు(24 గంటల్లో) 122 మంది కరోనాకు బలయ్యారు. 3,525 కేసులు నమోదయ్యాయి. మరణాల రేటు 3.2 శాతం ఉండగా.. రికవరీ రేటు 32.8 శాతంగా ఉందన్నారు హర్షవర్ధన్​.