కేంద్ర మంత్రివర్గ సమావేశంలోనూ ' సామాజిక దూరం'

కరోనాపై ప్రజల్లో అవగాహన పెంచడానికి మాటల్లోనే కాదు.. చేతల్లోనూ చేసి చూపిస్తోంది కేంద్ర ప్రభుత్వం. దిల్లీలో జరిగిన కేంద్ర కేబినెట్​ సమావేశంలో మంత్రులందరూ 'సామాజిక దూరం' పాటించారు. ఇందుకు ప్రధాని మోదీకి కూడా మినహాయింపు లేదు.

దిల్లీలో జరిగిన కేంద్ర కేబినెట్​ సమావేశానికీ కరోనా వైరస్​ సెగ తగిలింది. ప్రధానమంత్రి నరేంద్ర మోదీతో పాటు కేంద్రమంత్రులందరూ 'సామాజిక దూరం' పాటించారు. కనీసం మూడు అడుగుల దూరంలో కూర్చుని చర్చలు జరిపారు. దేశంలోని తాజా పరిస్థితులపై మోదీ సమీక్ష నిర్వహించినట్టు సమాచారం.

కేంద్ర మంత్రులూ 'దూరం.. దూరమే'

దేశంలో వైరస్​ విజృంభిస్తున్న తరుణంలో మంగళవారం రాత్రి కీలక నిర్ణయం తీసుకున్నారు ప్రధాని. దేశం మొత్తాన్ని 21రోజుల పాటు లాక్​డౌన్​ చేస్తున్నట్టు ప్రకటించారు. మరోవైపు భారత్​లో కరోనా వైరస్​ కేసుల సంఖ్య 562కు చేరింది. ప్రజలు ఇళ్ల నుంచి బయటకు రాకూడదని అన్ని ప్రభుత్వాలు విజ్ఞప్తి చేస్తున్నాయి.

ఇదీ చూడండి:-'పొరపాటు జరిగింది... ఆయన మృతికి కరోనా కారణం కాదు'