ఆవు పేడతో మాస్కు.. ఎరువుగానూ వాడొచ్చు!

కరోనా వ్యాప్తి మొదలైన తర్వాత మార్కెట్​లో ఎన్నోరకాల మాస్కుల దర్శనమిచ్చాయి. అయితే హిమాచల్​ప్రదేశ్​కు చెందిన ఓ సంస్థ ఆవు పేడతో మాస్కులు తయారు చేసి మార్కెట్​లో విడుదల చేసింది. ఇవి పర్యావరణ హితమైనవిగా పేర్కొన్న సంస్థ... వాడిన తర్వాత ఎరువుగా కూడా వాడొచ్చని తెలిపింది.

ఇప్పటి వరకు ఆవు పేడతో పిడకలు, ఎరువులను తయారు చేసేవారు. కరోనా ఉద్ధృతి నేపథ్యంలో మాస్కుల తయారీకీ దీన్ని శాస్త్రవేత్తలు ఉపయోగిస్తున్నారు. హిమాచల్​ ప్రదేశ్​లోని వేదిక్​ ప్లాస్టర్​ సంస్థ వీటిని మార్కెట్​లోకి విడుదల చేసింది. ఈ మాస్కులను ఆ తర్వాత ఎరువుగా కూడా వాడొచ్చు. ఇవి పర్యావరణ అనుకూలమైనవి. 80 శాతం శుద్ధ ఆవుపేడ, 20 శాతం వెస్ట్​ కాటన్​ వస్త్రంతో కూడిన మిశ్రమాన్ని కాగితానికి జోడించడం ద్వారా వాటిని తయారు చేశారు.

జాతీయ కామధేను కమిషన్​ అందించిన ముడి పదార్థాలతో వేదిక్​ ప్లాస్టర్​ సంస్థ ఈ మాస్కులను ఉత్పత్తి చేస్తోంది. ఇందులో స్వయం సహాయక బృందాల మహిళలు పాలుపంచుకుంటున్నారు. ఈ మాస్కుల్లో యాంటీబ్యాక్టీరియల్​ లక్షణాలు ఉన్నాయని హోమియో వైద్యుడు రాజ్​కుమార్​ శర్మ తెలిపారు. వాటి వాడకం వల్ల ఎలాంటి హాని ఉండదని చెప్పారు. కూరగాయల విత్తనాలనూ ఉంచామని వేదిక్​ ప్లాస్టర్​ సంస్థకు చెందిన కరణ్​ సింగ్​ చెప్పారు.

ఇదీ చూడండి:కేంద్ర మంత్రివర్గంలోకి సుశీల్​ కుమార్​ మోదీ..?