మోదీ గుజరాత్​ ప్రసంగంపై ఈసీ క్లీన్​ చిట్

గుజరాత్​ పటన్​​ నగరంలో ప్రధాని నరేంద్ర మోదీ చేసిన ప్రసంగానికి ఎన్నికల సంఘం తాజాగా క్లీన్​ చిట్​ ఇచ్చింది. ఈ నిర్ణయంతో ఈసీ ఇప్పటికి మోదీపై వచ్చిన 6 ఫిర్యాదులపై సచ్ఛీలత పత్రం ఇచ్చినట్లయింది.

ప్రధాని నరేంద్ర మోదీ ఏప్రిల్​ 21న గుజరాత్​ పటన్​​ నగరంలో చేసిన ప్రసంగానికి ఎన్నికల సంఘం క్లీన్​ చిట్​ ఇచ్చింది. బాలాకోట్​ దాడుల అనంతరం భారత వింగ్​ కమాండర్​ను తిరిగి రప్పించడానికి పాక్​పై ఒత్తిడి తేవడంలో భారత ప్రభుత్వం సఫలమైందని మోదీ చేసిన వ్యాఖ్యలపై తాజాగా ఈసీ సచ్ఛీలత పత్రమిచ్చింది.

మోదీ చేసిన ప్రసంగంపై గుజరాత్​ నుంచి నివేదికను తెప్పించుకున్న ఈసీ పరిశీలించి క్లీన్​ చిట్​ ఇస్తూ నిర్ణయం తీసుకుంది.

మోదీ చేసిన వ్యాఖ్యలు ఎన్నికల కోడ్​ ఉల్లంఘన కిందకు రావని స్పష్టం చేసింది. ఈ నిర్ణయంతో మోదీపై వచ్చిన 6 ఫిర్యాదులపై ఈసీ క్లీన్​ చిట్​ ఇచ్చినట్లయింది.

రాజకీయ పార్టీలు తమ ఎన్నికల ప్రచారంలో సైన్యం చర్యల గురించి ప్రస్తావించరాదని మార్చి 19న ఈసీ ఆదేశాలు జారీ చేసింది.

• ఇదీ చూడండి: కేజ్రివాల్​ను హత్య చేయాలని చూస్తున్నారా: సిసోడియా