దేశవ్యాప్తంగా పలు ప్రాంతాల్లో ప్రయాణికుల బస్సుల్లో అగ్నిప్రమాదాలు జరిగి అనేక మంది ప్రాణాలు కోల్పోతున్నారు. ఈ క్రమంలో బస్సుల్లో అగ్నిప్రమాదాలను నివారించే నూతన సాంకేతిక పరిజ్ఞానాన్ని రక్షణ పరిశోధన,అభివృద్ధి సంస్థ-డీఆర్డీవో అభివృద్ధి చేసింది. ఫైర్ డిటెక్షన్ అండ్‌ సర్‌ప్రెస్‌ సిస్టమ్‌-ఎఫ్డీఎస్ఎస్ పేరుతో అభివృద్ధి చేసిన ఈ సాంకేతిక పరిజ్ఞానం అమరిస్తే.. బస్సులో మంటలు అంటుకున్న 30 సెకన్లలోనే గుర్తించి మరో 60 సెకన్లలోనే అర్పేస్తుందని డీఆర్డీవో శాస్త్రవేత్తలు తెలిపారు.
బస్సుల్లో అగ్ని ప్రమాదాలకు ఇలా చెక్! - drdo projects
తరచూ బస్సుల్లో జరిగే అగ్ని ప్రమాదాలకు చెక్ పెట్టే దిశగా రక్షణ పరిశోధన, అభివృద్ధి సంస్థ(డీఆర్డీవో) నూతన పరిజ్ఞానంతో ముందుకు వచ్చింది. మంటలు అంటుకున్న రెండు నిమిషాల్లో ఆర్పివేసే సాంకేతికతను రూపొందించింది.
బస్సుల్లో అగ్ని ప్రమాదాలకు ఇక చెక్.!
దిల్లీలోని డీఆర్డీవో భవన్‌ వద్ద ఏర్పాటు చేసిన సాంకేతిక పరిజ్ఞానం పనితీరు ప్రదర్శనను కేంద్ర రవాణా శాఖ మంత్రి నితిన్‌ గడ్కరీ, రక్షణ మంత్రి రాజ్‌నాథ్‌ సింగ్‌ పరిశీలించారు. ఎఫ్డీఎస్ఎస్ పనితీరుకు సంబంధించి నిపుణుల నుంచి వివరాలు అడిగి తెలుసుకున్నారు. ప్యాసింజర్ కంపార్ట్మెంట్ కోసం నీటి పొగమంచు ఆధారిత ఎఫ్డీఎస్ఎస్ సహా ఇంజిన్ ఫైర్ కోసం ఏరోసెల్ ఆధారిత సాంకేతిక పరిజ్ఞానం వాడినట్టు డీఆర్డీవో వర్గాలు వివరించాయి. ఎఫ్డీఎస్ఎస్ కాంపార్ట్‌మెంట్‌లో 80 లీటర్ల సామర్థ్యం గల నీటి తొట్టి, 6.8 కిలోల నైట్రోజన్‌ సిలిండర్‌ ఉంటుందన్నారు. ఎఫ్డీఎస్ఎస్ ఏరోసల్‌ ఆధారిత సాంకేతికత ఉండే జెనరేటర్‌ 5 సెకన్లలో మంటలను ఆర్పుతుందని తెలిపారు.