దేశవ్యాప్తంగా 259 ప్రాంతాల్లో టీకా డ్రై రన్​

09:58 January 02

దిల్లీ జీటీబీ ఆసుపత్రికి హర్షవర్ధన్​

కరోనా వ్యాక్సిన్​ డ్రై రన్​లో భాగంగా దిల్లీలోని జీటీబీ ఆసుపత్రిని సందర్శించారు కేంద్ర వైద్య, ఆరోగ్య శాఖ మంత్రి హర్షవర్ధన్​. డ్రై రన్​ నిర్వహణ, ఏర్పాట్లను పరిశీలించారు. 

09:06 January 02

దేశవ్యాప్తంగా డ్రై రన్​

కరోనా వ్యాక్సిన్​ పంపిణీ సన్నాహాల్లో భాగంగా దేశవ్యాప్తంగా టీకా డ్రై రన్​ చేపట్టింది కేంద్రం. 116 జిల్లాల్లోని 259 ప్రాంతాల్లో శనివారం ఉదయం డ్రై రన్​ ప్రారంభమైంది.  

ఈ డ్రై రన్​ ద్వారా వ్యాక్సిన్​ పంపిణీకి ఏర్పాటు చేసిన వ్యవస్థల పనితీరును పరిశీలించనున్నారు అధికారులు. టాస్క్​ఫోర్స్​ ద్వారా ఎప్పటికప్పుడు వివరాలు అందించేలా ఏర్పాట్లు చేశారు. మండల, బ్లాక్​ స్థాయిలో ఎదురయ్యే సమస్యలు, ఇతర విషయాలను ఎప్పటికప్పుడు కొవిన్​ యాప్​లో అప్​లోడ్​ చేస్తున్నారు. 

• కొవిన్ పోర్టల్ సామర్థ్యాన్ని తెలుసుకునేందుకు డ్రై రన్‌
• ప్రతి నిమిషం క్షేత్రస్థాయిలో వివరాలు సేకరించి కొవిన్ పోర్టల్‌లో నమోదు
• అన్ని రాష్ట్రాల్లో కనీసం 3 ప్రదేశాల్లో డ్రై రన్ కార్యక్రమం
• కేరళ, మహారాష్ట్ర మినహా రాష్ట్రాల రాజధానులు, సమీప ప్రదేశాల్లో డ్రై రన్
• కేరళ, మహారాష్ట్రలో 3 ప్రధాన పట్టణాల్లో డ్రై రన్ కార్యక్రమం
• డ్రై రన్ జరిగే ప్రాంతాల్లో బ్లాక్-లెవల్ టాస్క్‌ఫోర్స్‌తో పర్యవేక్షణ

దిల్లీ జీటీబీ ఆసుపత్రికి వెళ్లనున్న ఆరోగ్య శాఖ మంత్రి..

దేశవ్యాప్తంగా అన్ని రాష్ట్రాలు, కేంద్ర పాలిత ప్రాంతాల్లో కరోనా వ్యాక్సిన్​ డ్రై రన్​ ప్రారంభమైంది. దిల్లీలోని దర్యాంగజ్​లోని ఆరోగ్య కేంద్రంలో డ్రై రన్​ను పరిశీలించారు అధికారులు. అలాగే.. దిల్లీలోని జీటీబీ ఆసుపత్రిని సందర్శించనున్నారు కేంద్ర వైద్య ఆరోగ్య శాఖ మంత్రి హర్షవర్ధన్​.