భాజపా ఎంపీ జీవీఎల్​పై 'షూ' దాడి

పత్రికా సమావేశంలో మాట్లాడుతున్న భాజపా నాయకులపై ఓ వ్యక్తి షూ విసిరాడు. దిల్లీలోని పార్టీ ప్రధాన కార్యాలయంలో ఈ ఘటన జరిగింది.

భాజపా నాయకులపై ఓ వ్యక్తి షూ విసిరాడు. పార్టీ ప్రధాన కార్యాలయంలో పత్రికా సమావేశం జరుగుతుండగా ఈ ఘటన జరిగింది. ఎంపీ జీవీఎల్​ నరసింహారావు ముఖంపై నుంచి షూ దూసుకెళ్లింది. ఊహించని సంఘటనతో అప్రమత్తమైన భద్రతా సిబ్బంది దుండగుణ్ని పట్టుకుని పోలీసులకు అప్పగించారు. దాడికి పాల్పడిన వ్యక్తి వైద్యుడని సమాచారం.

దాడి సమయంలో భాజపా నాయకులు భూపేంద్ర యాదవ్, జీవీఎల్​ నరసింహారావు మీడియాతో మాట్లాడుతున్నారు. సాధ్వి ప్రజ్ఞా ఠాకూర్​ వంటి హిందుత్వ కార్యకర్తలపై కాంగ్రెస్​ తప్పుడు కేసులు బనాయించి, వారిని అప్రతిష్ఠపాల్జేస్తోందని జీవీఎల్​ ఆరోపిస్తుండగా ఈ ఘటన జరిగింది.