కర్ణాటక భాజపా ఎంపీ డాక్టర్ ఉమేశ్ జాదవ్ కుటుంబంలో కరోనా కలకలం రేపింది. ఆయన కుమారుడు, ఎమ్మెల్యే అవినాశ్ జాదవ్తో పాటు కుటుంబ సభ్యులు, సిబ్బందిలో మొత్తం 12 మందికి వైరస్ సోకింది.
"ఇప్పటివరకు నా కుటుంబం, వ్యక్తిగత సిబ్బందిలో 12 మందికి కరోనా పాజిటివ్గా తేలింది. నా భార్య, కూతురు, కోడలు, నా డ్రైవర్.. బెంగళూరులోని ప్రభుత్వ ఆసుపత్రిలో ఆదివారం చేరారు."
- డాక్టర్ ఉమేశ్ జాదవ్, గుల్బార్గా ఎంపీ
కాంగ్రెస్ సీనియర్ నేత మల్లికార్జున ఖర్గేను ఓడించేందుకు ఎమ్మెల్యే పదవికి రాజీనామా చేసి 2019 లోక్సభ ఎన్నికల్లో పాల్గొన్నారు ఉమేశ్. ఇందుకోసం కాంగ్రెస్ నుంచి వీడి భాజపాలో చేరారు. భాజపా తరఫున చించొలి నియోజకవర్గం నుంచి తన కుమారుడికి టికెట్ ఇప్పించుకున్నారు.
ఇదీ చూడండి:కూలిన ఐదంతస్తుల భవనం.. శిథిలాల కింద 50 మంది!