ఎంత అదృష్టం ఉంటే ఆ చిన్నారి బతికి బైటపడ్డాడు!

గుజరాత్​లో సీసీటీవీలో రికార్డయిన ఓ అరుదైన దృశ్యం సోషల్​ మీడియాలో వైరల్​ అవుతోంది. వర్షంలో గొడుగు కింద కూర్చున్న ఓ చిన్నారి బాలుడి పైనుంచి రివర్స్​లో వచ్చిన కారు దూసుకెళ్లింది. కానీ ఆ బాలుడు క్షేమంగా తల్లి ఒడిని చేరుకున్నాడు.

తన పైనుంచి కారు పోయినా సురక్షితంగా బయటపడ్డాడు ఆ బాలుడు. సూరత్‌లోని ఓ కాలనీలో వర్షం పడుతుంటే గొడుగు పట్టుకుని బయటకు వచ్చాడు. నడుస్తూ నడుస్తూ ఉన్నట్టుండి కూర్చొని అక్కడ పారుతున్న వర్షపు నీటితో ఆడుకోవడం మొదలుపెట్టాడు.

అదే సమయంలో అక్కడో వ్యక్తి కారు రివర్స్​లో వెనక్కి తీసుకొచ్చాడు. గొడుగు కిందున్న చిన్నారిని గమనించని డ్రైవర్ చిన్నారిపైనుంచే కారును పోనిచ్చేశాడు. పక్కనున్న వాళ్లు బాలుడు కారు కింద ఉన్నాడని సంకేతాలివ్వగా .. అప్రమత్తమై వాహనాన్ని ఆపాడు.

గొడుగు పూర్తిగా ధ్వంసం అయ్యింది గానీ చిన్నారికి చిన్న గాయం కూడా కాలేదు. సురక్షితంగా తిరిగొచ్చిన బిడ్డను హత్తుకుంది ఆ బుడ్డోడి తల్లి. సీసీటీవీల్లో రికార్డయిన ఈ మృత్యుంజయుడి వీడియో ఇప్పుడు సామాజిక మాధ్యమాల్లో చక్కర్లు కొడుతోంది.

ఇదీ చూడండి:ప్రాణ భయంతో రాత్రంతా చెట్టుపైనే గర్భిణి