AP CM Jagan Illegal Assets Case Postponed in High Court: వాన్‌పిక్‌ కేసు.. ఈడీ అటాచ్ చేసిన ఆస్తులపై విచారణ డిసెంబరు 11కు వాయిదా

AP CM Jagan Illegal Assets Case Postponed in High Court: ఏపీ సీఎం జగన్‌ అక్రమాస్తుల కేసులో ఈడీ ఆస్తుల అటాచ్‌పై తెలంగాణ హైకోర్టులో మంగళవారం విచారణ జరిగింది. వాన్‌పిక్‌ కేసులో జగన్‌, నిమ్మగడ్డ ప్రసాద్‌ తదితరుల ఆస్తుల అటాచ్‌ ఉత్తర్వులను సవరిస్తూ అప్పిలేట్‌ ట్రైబ్యునల్‌ ఇచ్చిన తీర్పుపై అప్పీళ్ల విచారణ జరిగింది. ఈడీతో పాటు నిమ్మగడ్డ ప్రసాద్‌ కంపెనీలు వేసిన అప్పీళ్లపై హైకోర్టు విచారణ చేపట్టింది.

AP CM Jagan Illegal Assets Case Postponed in High Court:ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి అక్రమాస్తుల కేసుకు సంబంధించి.. ఈడీ (ఎన్‌ఫోర్స్‌మెంట్ డైరెక్టరేట్) ఆస్తుల అటాచ్‌పై తెలంగాణ హైకోర్టులో మంగళవారం విచారణ జరిగింది. విచారణలో భాగంగా న్యాయస్థానం పలు కీలక అంశాలపై విచారణ జరిపింది. అందులో మొదటగా.. వాన్‌పిక్‌ కేసులో జగన్‌, నిమ్మగడ్డ ప్రసాద్‌ తదితరుల ఆస్తుల అటాచ్‌ ఉత్తర్వులను సవరిస్తూ.. అప్పిలేట్‌ ట్రైబ్యునల్‌ ఇచ్చిన తీర్పుపై అప్పీళ్ల విచారణ జరిగింది. అనంతరం ఈడీతో పాటు నిమ్మగడ్డ ప్రసాద్‌ కంపెనీలు వేసిన అప్పీళ్లపై హైకోర్టు విచారణ జరిపింది. ఈ క్రమంలో వాన్‌పిక్‌ కేసులో ఆస్తి జప్తుపై సుప్రీంకోర్టులో పెండింగ్‌లో ఉందని, నవంబరు 6న సుప్రీంకోర్టులో ఇదే కేసుపై విచారణ ఉందని తెలంగాణ హైకోర్టుకు న్యాయవాదులు తెలిపారు. దీంతో వాన్‌పిక్‌ కేసులో ఆస్తుల జప్తుపై విచారణను హైకోర్టు డిసెంబరు 11కు వాయిదా వేస్తూ.. ఉత్తర్వులు వెలువరించింది.

Investigation in TS High Court on ED Attache Assets: ఏపీ సీఎంజగన్ అక్రమాస్తుల కేసుల్లోని వాన్​పిక్ ఛార్జిషీట్​లో ఈడీ అటాచ్ చేసిన ఆస్తులపై తెలంగాణ హైకోర్టులో నేడు విచారణ జరిగింది. విచారణలో న్యాయవాదుల వాదోపవాదాలు విన్న ధర్మాసనం..తదుపరి విచారణను డిసెంబరు 11కి వాయిదా వేసింది. ఇదే కేసులో నవంబరు 6న సుప్రీంకోర్టులో విచారణ ఉందని న్యాయవాదులు తెలపడంతో హైకోర్టు వాయిదా వేసింది.

High Court Hearing on Vanpick Case Petitions:వాన్‌పిక్ కేసులో జగన్, నిమ్మగడ్డ ప్రసాద్‌తో పాటు అల్ఫా అవెన్యూస్, ఆల్ఫా విల్లాస్, జీటూ కార్పొరేట్, సుగుణి కనస్ట్రక్షన్స్, గిల్‌క్సిస్ట్ ఇన్వెస్ట్‌మెంట్స్, తదితర కంపెనీల ఆస్తులను 2014లో ఈడీ అటాచ్ చేసింది. వాటిలో కొన్ని ఆస్తులను విడుదల చేసేలా ఈడీ అటాచ్ మెట్ ఉత్తర్వులను సవరిస్తూ.. అప్పీలేట్ ట్రైబ్యునల్ 2019లో ఆదేశించింది. అప్పీలేట్ ట్రైబ్యునల్ ఉత్తర్వులను సవాల్ చేస్తూ.. ఈడీతో పాటు నిమ్మగడ్డ ప్రసాద్, పలు కంపెనీలు వేసిన 15 పిటిషన్లపై ఇవాళ జస్టిస్ శ్యాంకోషి, జస్టిస్ ఎ.లక్ష్మినారాయణ ధర్మాసనం మరోసారి విచారణ జరిపింది. ఈ నేపథ్యంలో వాన్‌పిక్‌ కేసులో సుమారు 12 వేల ఎకరాలను జప్తు నుంచి విడుదల చేయడంపై ఈడీ దాఖలు చేసిన పిటిషన్​పై నవంబరు 6న విచారణకు రానున్నందున.. డిసెంబరు 11కి కేసును హైకోర్టు వాయిదా వేసింది. ఈలోగా సుప్రీంకోర్టులో తేలితే మెన్షన్ చేయాలని న్యాయవాదులకు హైకోర్టు సూచించింది.

Hearing on Harirama Jogaiah Petition: మరోవైపు జగన్‌పై సీబీఐ, ఈడీ కేసుల విచారణ వెంటనే చేపట్టేలా సీబీఐ కోర్టును ఆదేశించాలని కోరుతూ.. హరిరామ జోగయ్య ఇటీవల దాఖలు చేసిన ప్రజాప్రయోజన వ్యాజ్యానికి సంబంధించి..తెలంగాణ హైకోర్ట్ కీలక ఆదేశాలు జారీ చేసింది. ఏపీ సీఎం జగన్ అక్రమాస్తుల కేసులను అసెంబ్లీ ఎన్నికల్లోగా తేల్చాలన్న పిటిషన్​ను సవరించి.. మరిన్ని వివరాలతో మళ్లీ దాఖలు చేయాలని మాజీ ఎంపీ చేగొండి హరిరామ జోగయ్యకు హైకోర్టు ఆదేశించింది. పిటిషన్​లో అవసరమైన మార్పులు, చేర్పులు చేస్తే పరిగణనలోకి తీసుకుంటామని తెలిపింది.

Key Points in Harirama Jogaiah Petition: పిటిషన్​లో హరిరామ జోగయ్య పలు కీలక అంశాలను ప్రస్తావించారు. అందులో ముఖ్యంగా.. రోజువారీ విచారణ జరిపి వచ్చే అసెంబ్లీ ఎన్నికల్లోగా కేసులను తేల్చేలా ఉత్తర్వులు ఇవ్వాలని హైకోర్ట్​ను కోరారు. కేసులు పెండింగులో ఉండగానే రానున్న ఎన్నికల్లోనూ పోటీకి జగన్ సిద్ధమవుతున్నారన్నారు. ప్రజాప్రతినిధులపై కేసులను వీలైనంత త్వరగా తేల్చాలని సుప్రీంకోర్టు పలు ఉత్తర్వులు ఇచ్చినప్పటికీ.. రాజకీయ నేతలు పిటిషన్ల మీద పిటిషన్లు వేస్తూ.. విచారణ జాప్యం చేస్తున్నారని పేర్కొన్నారు. ఆంధ్రప్రదేశ్ ఓటర్లు ఎలాంటి నేరచరిత్ర.. ముఖ్యంగా సీబీఐ, ఈడీ కేసులు లేని వారిని ఎన్నుకోవాలని అనుకుంటున్నారని వివరించారు. కాబట్టి తమ ముఖ్యమంత్రిపై కేసులు ఉన్నాయా..?, వీగిపోయాయా..? అని ఏపీ ప్రజలు చూడాలనుకుంటున్నారని పిటిషన్‌లో హరిరామ జోగయ్య వివరించారు.

High Court Registry Objection on Jogaiah Petition: హరిరామ జోగయ్య ప్రజాప్రయోజన వ్యాజ్యంపై హైకోర్టు రిజిస్ట్రీ అభ్యంతరం తెలిపింది. జగన్​పై వ్యక్తిగత కేసుల విషయం ప్రజాప్రయోజన వ్యాజ్యం పరిధిలోకి రాదని అభిప్రాయం వ్యక్తం చేస్తూ.. తుది నిర్ణయం కోసం సీజే ధర్మాసనం ముందుంచుంది. జగన్ కేసులు వేగంగా జరగడం లేదనేందుకు.. పిల్​గా పరిగణించాలన్న అభ్యర్థనకు ఆధారాలేంటని గతంలో హైకోర్టు అడగడంతో.. పలు డాక్యుమెంట్లను హరిరామ జోగయ్య తరఫు న్యాయవాది కోర్టుకు సమర్పించారు.

High Court on Allotment of Number to PIL:ఈ నేపథ్యంలో ఆ డాక్యుమెంట్లకు అనుగుణంగా పిటిషన్​లోని అంశాలను కూడా మార్చాలని, సీబీఐ కోర్టులో జగన్ కేసులు ఏ దశలో ఉన్నాయి, వేగంగా ఎందుకు జరగడం లేదో తెలపాలని హైకోర్టు తెలిపింది. దీంతో రెండు వారాల సమయం ఇస్తే సవరిస్తామని హరిరామ జోగయ్య తరఫు న్యాయవాది కోర్టుకు తెలిపారు. ఈలోగా పిల్​కు నెంబరు కేటాయించాలని న్యాయస్థానాన్ని కోరారు. దీంతో సవరణ పిటిషన్ వేశాక పరిశీలిస్తామని హైకోర్టు తెలిపింది.