శివరాత్రి సందర్భంగా పశ్చిమ గోదావరి జిల్లా తణుకు మండలం ఉండ్రాజవరం గోకర్ణేశ్వర స్వామి ఆలయానికి భక్తులు పోటెత్తారు. తెల్లవారుజాము నుంచే ఆలయానికి అధిక సంఖ్యలో భక్తులు చేరుకుని స్వామివారికి పూజలు నిర్వహించారు.
రాజరాజనరేంద్రుని కాలం నాటిదిగా ప్రసిద్ధి చెందిన ఈ ఆలయంలో.. మహాశివరాత్రి వేళ స్వామివారిని దర్శించుకుంటే సకల శుభాలు జరుగుతాయని భక్తుల నమ్మకం. ఈ సందర్భంగా దేవాలయానికి విచ్చేసే భక్తులకు ఎటువంటి ఇబ్బందులు తలెత్తకుండా అధికారులు ప్రత్యేక ఏర్పాట్లు చేశారు.