డీఎస్పీ యూనిఫామ్​లో నిఖత్ జరీన్

Nikhat Zareen Charge as DSP Today : తెలంగాణకు చెందిన భారతీయ మహిళ బాక్సర్​ నిఖత్ జరీన్ ఇవాళ డీఎస్పీగా ఉద్యోగం పొందారు. వరుసగా రెండుసార్లు ప్రపంచ ఛాంపియన్‌గా నిలిచిన ఆమె, సీఎం రేవంత్​రెడ్డి చేతులమీదుగా లాఠీని అందుకున్నారు. ఇవాళ హైదరాబాద్​లోని ఎల్బీస్టేడియంలో జరిగిన చీఫ్ మినిస్టర్ కప్‌ 2024 క్రీడలు కార్యక్రమంలో పాల్గొన్న సీఎం రేవంత్​ నిఖత్ జరీన్ గురించి మాట్లాడుతూ కొనియాడారు.

తెలంగాణ బాక్సర్ నిఖత్ జరీన్ మధ్యతరగతి కుటుంబం నుంచి వచ్చి కష్టపడ్డారని, ఇప్పుడు ఆ కష్టమే ఆమెను ఈ స్థాయిలో నిలబెట్టిందని సీఎం రేవంత్​ వ్యాఖ్యానించారు. ప్రస్తుతం ఆమె డీఎస్పీగా ఉద్యోగం పొందిన నేపథ్యంలో ఇవాళ పోలీసు డ్రెస్​లో ప్రత్యక్షమయ్యారు. దీంతో బాక్సర్​గానే కాకుండా న్యాయాన్ని చట్టాన్ని కాపాడే లేడీ సింహంగా ఉందంటూ నెటిజన్లు సైతం సోషల్​ మీడియాలో కామెంట్లు చేస్తున్నారు.