పల్నాడు జిల్లాలో కిడ్నాప్ కలకలం

Person kidnapped in Vinukonda Mandal:పల్నాడు జిల్లాలో కిడ్నాప్​ కలకలం రేగింది. వినుకొండ మండలం వెంకుపాలెం సమీపంలో కారుతో ఆటోను అడ్డగించి ఓ వ్యక్తిని కిడ్నాప్‌ చేశారు. జంగమేశ్వరపాడుకు చెందిన ఒంటేరు నాగరాజు వినుకొండలో ఉంటూ తల్లితో కలిసి కూరగాయలు విక్రయించేందుకు వెళ్తుండగా దుండగులు కారులో వచ్చి ఆటోను అడ్డగించారు. ఆటోలో ఉన్న నాగరాజుపై దాడి చేయగా అడ్డుకోబోయిన నాగరాజు బావ రవిపై కత్తులతో దాడి చేశారు. అనంతరం నాగరాజును కారులో ఎక్కించుకుని వెళ్లిపోయారని తల్లి అంకమ్మ తెలిపారు. అపహరించుకుపోయిన నాగరాజు గతంలో జంగమేశ్వరపాడులో సంచలనం రేపిన జల్లయ్య యాదవ్‌ హత్య కేసులో ఆరోపణలు ఎదుర్కొంటున్నాడు. పోలీసులు సంఘటనా స్థలానికి చేరుకుని విచారణ జరుపుతున్నారు.