అమరావతి డ్రోన్ సమ్మిట్‌ నిర్వహణకు ప్రభుత్వం ఉత్తర్వులు

Amaravati Drone Summit 2024 : ఈ నెల 22,23 తేదీల్లో జరుగనున్న అమరావతి డ్రోన్ సమ్మిట్​-2024 నిర్వహణకు ప్రభుత్వం ఉత్తర్వులు జారీ చేసింది. డ్రోన్ ఫెడరేషన్ ఆఫ్ ఇండియాను ఈ జాతీయ సెమినార్ నిర్వహణ భాగస్వామిగా నియమిస్తున్నట్లు పేర్కొంది. ఈ సదస్సు నిర్వహణకు రూ.5.54 కోట్ల వ్యయం అవుతుందని తెలిపింది. మంగళగిరిలోని సీకే కన్వెన్షన్​లో రెండు రోజుల పాటు జాతీయ స్థాయి కాన్ఫరెన్స్ జరగనుంది.

వ్యవసాయం, వైద్యారోగ్యం, అర్పన్ ప్లానింగ్, శాంతి భద్రతలు, వస్తుత్పత్తి రంగాల్లో డ్రోన్ల వినియోగం విధాన రూపకల్పనపై అమరావతి డ్రోన్ సమ్మిట్​-2024 దృష్టి పెట్టనుంది. వాణిజ్యపరంగా డ్రోన్ల వినియోగం పెంచడం లక్ష్యంగా కాన్ఫరెన్స్ జరగనుంది. ఈ సదస్సులో డ్రోన్ సిటీ ఏర్పాటుకు సంబంధించిన రోడ్ మ్యాప్ రూపకల్పన చేయనుంది. ఏపీ డ్రోన్ కార్పోరేషన్ ఈ సమ్మిట్​ను నిర్వహించనుంది.