లంకతో తొలి వన్డే - మ్యాచ్​ డ్రా

TEAMINDIA VS SRI LANKA First ODI Match Tied : టీమ్​ఇండియా-శ్రీలంక మధ్య జరిగిన తొలి వన్డే మ్యాచ్​ టై అయింది. మొదట బ్యాటింగ్ చేసిన లంక నిర్ణీత 50 ఓవర్లలో 8 వికెట్లు కోల్పోయి 230 పరుగులు చేశారు. ఆ జట్టులో నిశాంక(56), దునీత్‌(67) హాఫ్ సెంచరీలతో రాణించారు. ఇండియా బౌలర్లలో అర్ష్‌దీప్‌ సింగ్‌, అక్షర్‌ పటేల్‌ చెరో 2 వికెట్లు పడగొట్టారు. సిరాజ్‌, దుబె, కుల్దీప్‌, సుందర్‌ తలో వికెట్‌ దక్కించుకున్నారు. అనంతరం 231 పరుగుల లక్ష్యఛేదనలో టీమ్​ఇండియా 47.5 ఓవర్లో 230 పరుగులు చేసి ఆలౌట్ అయింది. దీంతో మ్యాచ్​ టై అయింది. భారత బ్యాటర్లలో కెప్టెన్‌ రోహిత్‌ శర్మ (58) టాప్‌ స్కోరర్‌. అక్షర్‌ పటేల్‌ (33), కేఎల్‌ రాహుల్‌ (31), శివమ్‌ దూబె(25), కోహ్లీ (24) పరుగులు చేశారు. లంక బౌలర్లలో వనిందు హసరంగా, చరిత్ అసలంక తలో మూడు వికెట్లు తీశారు.