USAలో వరల్డ్​కప్- ICCకి రూ.160కోట్లు లాస్!

ICC Lost 160 Crore:2024 టీ20 వరల్డ్​కప్​ టోర్నమెంట్​ను అమెరికాలో నిర్వహించడం వల్ల అంతర్జాతీయ క్రికెట్ కౌన్సిల్ (ఐసీసీ)​కు దాదాపు రూ.160 కోట్ల నష్టం వాటిల్లినట్లు తెలుస్తోంది. అమెరికాలో క్రికెట్‌ను ప్రోత్సహించే లక్ష్యంతో అక్కడ టీ20 ప్రపంచకప్ నిర్వహించాలని నిర్ణయం తీసుకున్న ఐసీసీకి ఊహించని షాక్ తగిలినట్లు సమాచారం. అమెరికాలో మూడు వేదికల్లో 10జట్ల మ్యాచ్​లు జరిగాయి. అందులో భారత్- పాకిస్థాన్ పోరు​, అమెరికా మ్యాచ్​లకు మినహా మిగిలిన వాటికి స్టేడియాలకు పెద్దగా ఆడియెన్స్​ రాలేదు. దీంతోపాటు చరిత్రలో తొలిసారి 20జట్లతో టోర్నీ నిర్వహించడం కూడా ఆర్థిక నష్టానికి ఒక కారణం అని విశ్లేషకులు అభిప్రాయపడుతున్నారు. కొలంబోలో శుక్రవారం ప్రారంభం కానున్న ఐసీసీ వార్షిక సదస్సులో ఈ అంశంపై చర్చ జరగనున్నట్లు తెలుస్తోంది.