జనసేనలోకి వైఎస్సార్సీపీ మాజీ ఎమ్మెల్యే కిలారి రోశయ్య - ముహూర్తం ఫిక్స్​

YSRCP EX MLA Kilari Rosaiah Join Janasena Party :వైఎస్సార్సీపీ నుంచి జనసేన పార్టీలోకి వలసల పర్వం కొనసాగుతోంది. గుంటూరు జిల్లా పొన్నూరు మాజీ ఎమ్మెల్యే కిలారి రోశయ్య జులై 24న వైఎస్సార్సీపీకి రాజీనామా చేశారు. ఈ మేరకు త్వరలోనే గుంటూరు జిల్లా మంగళగిరిలోని పార్టీ కార్యాలయంలో పవన్ కల్యాణ్ సమక్షంలో జనసేనలో చేరుతున్నట్లు ఆయన ప్రకటించారు. రోశయ్య వియ్యంకుడు, ఒంగోలుకు చెందిన ప్రముఖ పారిశ్రామికవేత్త రవిశంకర్ కూడా జనసేనలో చేరుతున్నారు. 2019లో పొన్నూరు నుంచి గెలిచిన రోశయ్య, 2024లో గుంటూరు ఎంపీగా పోటీ చేసి ఓటమి పాలయ్యారు. ఇప్పటికే ఒంగోలు మాజీ ఎమ్మెల్యేలు బాలినేని శ్రీనివాసరెడ్డి, సామినేని ఉదయభానులు జనసేన పార్టీలో చేరుతున్నట్లు ప్రకటించిన విషయం తెలిసిందే.