ఎన్నేళ్లైనా దాన్ని అస్సలు మర్చిపోలేను : రాశీ ఖన్నా

Raashikhanna completed 10 Years : సొట్ట బుగ్గల సుందరి రాశీఖన్నా తెలుగు ఇండస్ట్రీకి వచ్చి పదేళ్లు అయిపోయింది. ఊహలు గుసగుసలాడే చిత్రంతో తెలుగు ప్రేక్షకులకు పరిచయమైన ఈ అమ్మడు ప్రస్తుతం "తెలుసు కదా" అనే చిత్రంలో నటిస్తోంది. అయితే ఈ పదేళ్ల తన సినీప్రస్థానం గురించి గుర్తుచేసుకుంటూ సంబరపడిపోయింది రాశీ. ఓ ఇంటర్వ్యూలో ఈ విషయాన్ని స్వయంగా ప్రస్తావిస్తూ "నేను టాలీవుడ్​లో అడుగుపెట్టి పదేళ్లు అయిపోయిందంటే నమ్మలేకపోతున్నాను. సినీఅభిమానుల ప్రేమను రుచి చూసింది టాలీవుడ్‌లోనే. నా తొలి సినిమా అయిన 'ఊహలు గుసగుసలాడే' చిత్రాన్ని చేసే సమయంలో నాకు ఈ భాష రాదు, సంస్కృతి తెలియదు. కానీ, నన్ను ఆదరించారు. ఆ సినిమాకు వచ్చిన ప్రశంసలు కూడా మర్చిపోలేను. ఇక్కడ పని చేయడం నాకు చాలా కంఫర్ట్ ఇస్తుంది. నా టాలెంట్ నమ్మి నాకు అవకాశాలు ఇస్తున్న డైరక్టర్లకు కృతజ్ఞతలు తెలుపుకుంటున్నాను. తెలుగు ప్రేక్షకుల అభిమానం వెలకట్టలేనిది" అని వెల్లడించారు.