ఘోర రోడ్డు ప్రమాదం- ఏడుగురు మృతి, 10 మందికి గాయాలు

Jabalpur Road Accident :మధ్యప్రదేశ్‌ జబల్‌పుర్‌లో జరిగిన ఘోర రోడ్డు ప్రమాదంలో ఏడుగురు దుర్మరణం చెందారు. మరో పది మందికి గాయాలు అయ్యాయి. సిహోర-మజ్‌గావ్‌ రహదారిపై ట్రక్కు, లగేజ్ ఆటో ఢీకొనడం వల్లనే ఈ ప్రమాదం జరిగినట్లు అధికారులు తెలిపారు. మృతుల్లో ముగ్గురు మహిళలు ఉన్నట్లు వారు చెప్పారు. ఘటనా స్థలంలో పోలీసులు సహాయక చర్యలు చేపట్టారు. బాధితులంతా సమీపంలోని ప్రతాప్‌పుర్‌ గ్రామవాసులుగా పోలీసులు గుర్తించారు. క్షతగాత్రులను స్థానిక ఆస్పత్రికి తరలించి చికిత్స అందిస్తున్నారు.