పార్లమెంట్ శీతాకాల సమావేశాల తేదీలు ఖరారు- ఎప్పటి నుంచంటే?

Parliament Winter Session 2024 :పార్లమెంట్‌ శీతాకాల సమావేశాల తేదీలు ఖరారయ్యాయి. నవంబర్‌ 25న మొదలై డిసెంబర్‌ 20 వరకు శీతాకాల సమావేశాలు కొనసాగనున్నాయి. ఈ మేరకు పార్లమెంటరీ వ్యవహారాల శాఖ మంత్రి కిరణ్‌ రిజిజు మంగళవారం సాయంత్రం ప్రకటించారు.

ఈ శీతాకాల సమావేశాల్లోనే వక్ఫ్‌ సవరణ బిల్లు-2024ను కేంద్రం ప్రవేశపెట్టనున్నట్టు తెలుస్తోంది. నవంబర్ 29న వక్ఫ్ సవరణ బిల్లుపై జాయింట్ కమిటీ తన నివేదికను అందించే అవకాశం ఉంది. మరోవైపు వక్ఫ్‌ సవరణ బిల్లును విపక్షాలు తీవ్రంగా వ్యతిరేకిస్తున్నాయి. దీంతో పార్లమెంట్‌లో వాడీవేడి చర్చ జరిగేటట్లు కనిపిస్తోంది.