తాజ్​ ఎక్స్​ప్రెస్​లో అగ్ని ప్రమాదం- నాలుగు బోగీల్లో మంటలు

Taj Express Train Accident :తుగ్లకాబాద్ నుంచి ఓక్లా వెళ్తున్న తాజ్​ ఎక్స్​ప్రెస్​లో అగ్నిప్రమాదం జరిగింది. ప్రమాదవశాత్తు నాలుగు బోగీల్లో భారీ మంటలు చెలరేగాయి. వెంటనే సమాచారం అందుకున్న అగ్నిమాపక సిబ్బంది 8 ఫైర్ ఇంజిన్లతో వచ్చి మంటలను ఆర్పివేసేందుకు ప్రయత్నాలు చేపట్టారు. ఈ ఘటన దిల్లీలోని సరిత విహార్​ ప్రాంతంలో జరిగింది. అయితే, ఎలాంటి ప్రాణ నష్టం లేదని, అధికారులు చెప్పారు. "సోమవారం సాయంత్రం 4.24 గంటలకు తాజ్​ ఎక్స్​ప్రెస్​లో మంటలు చెలరేగినట్లు మాకు సమాచారం వచ్చింది. వెంటనే 8 ఫైర్ ఇంజిన్లను ఘటనా స్థలానికి పంపించి మంటలను అదుపు చేసేందుకు ప్రయత్నాలు చేపట్టాం." అని దిల్లీ అగ్నిమాపక అధికారి తెలిపారు.