పాఠశాలలో వైఎస్సార్సీపీ నాయకుడి కుమారుడి పెళ్లి - స్థానికులు ఆగ్రహం - YCP son wedding ceremony in school

YCP Leader Son Marriage in Karmpudi Zilla Parishad School: వైసీపీ నాయకుల ఆగడాలు రోజురోజుకూ మితిమీరి పోతున్నాయి. ప్రభుత్వ కార్యాలయాల్లో సమావేశాలు ఏర్పాటు చేసుకోవడం, జిల్లా పరిషత్​ పాఠశాలలో వివాహాలు జరిపించడం లాంటి ఘటనలు చోటు చేసుకుంటున్నాయి. పల్నాడు జిల్లా కారంపూడి జిల్లా పరిషత్​ పాఠశాలలో ఓ వైసీపీ నాయకుడి కుమారుడి వివాహం చేయడం చర్చనీయాంశంగా మారింది. 

పిల్లలు చదువుకునే ప్రాంతంలో ఎటువంటి అనుమతులు లేకుండా కార్యక్రమాలు నిర్వహించకూడదు. కానీ వైఎస్సార్సీపీ నేతలు తమకు ఎవరూ అడ్డుకాదని ఓ పాఠశాల కొనసాగుతుండగానే వివాహం చేశారు. దీనిపై పాఠశాల ప్రధానోపాధ్యాయుడు జడ్పీ సీఈవోకు ఫిర్యాదు చేశారు. ఇదిలావుంటే పరీక్షలు దగ్గర పడుతున్న సమయంలో పాఠశాలలో వివాహ వేడుకులు నిర్వహించడం ఏంటని స్థానికులు ఆగ్రహం వ్యక్తం చేస్తున్నారు. వేడుకలు ప్రైవేటు ఫంక్షన్​ హాళ్లలో జరుపుకోవాలని విమర్శిస్తున్నారు. ఒకవేళ పాఠశాల ఆవరణలో కార్యక్రమాలు నిర్వహించాలనుకుంటే ముందస్తుగా అధికారుల అనుమతి తీసుకోని జరుపుకోవాలని పలువరు అభిప్రాయం వ్యక్తం చేస్తున్నారు. అధికారం ఉందని ఇష్టమొచ్చినట్లు వ్యవహరిస్తే ప్రజలు చూస్తూ ఊరుకోరని ప్రతిపక్ష నాయకులు స్పష్టం చేశారు.