ETV Bharat / videos

Temple EO was Drinking Alcohol in YSR District : సాధారణంగా దేవాలయ పరిసర ప్రాంతాలకు వెళ్తే అందరికీ సంకీర్తనలు, భక్తుల సందడి, ప్రశాంత వాతావరణం కనిపిస్తుంది. అక్కడ మాంసాహరం, మద్యం దరిదాపుల్లో కనిపించవు. కానీ కడప జిల్లా పులివెందులలో ఉన్న ఓ దేవాలయ కళ్యాణ మండపంలో మాత్రం ఏకంగా మద్యం తాగుతున్న దృశ్యాలు వెలుగు చూశాయి. ఇక్కడ ఎవరో అకతాయిలు ఈ పని చేశారంటే మీరు పొరపాటు పడినట్లే. సాక్ష్యాత్తు ఆలయ ఈవోనే మద్యం సేవించడంతో అందరూ నోరెళ్లబెడుతున్నారు. 

కడప జిల్లా పులివెందుల పట్టణంలోని స్థానిక మిట్ట మల్లేశ్వర స్వామి దేవాలయం ప్రసిద్ధిగాంచింది. ఆ దేవాలయంతో పాటు స్థానికంగా ఉన్న సింహాద్రిపురం, వేంపల్లి, జమ్మలమడుగు ఆలయాలన్నింటికీ ఈవోగాా విశ్వనాథ్​ రెడ్డి ఉన్నారు. అయితే ఈ అధికారి స్థానికంగా ఉన్న మరో వ్యక్తితో కలిసి మల్లేశ్వర స్వామి దేవాలయానికి సంబంధించిన కళ్యాణ మండపంలో మద్యం సేవిస్తున్న దృశ్యాన్ని ఓ వ్యక్తి తన సెల్​ ఫోన్​లో చిత్రీకరించాడు. టెంపుల్ ఆవరణంలో మద్యం తాగుతున్న ఈ వీడియోను కాస్త సోషల్ మీడియాలో పోస్ట్ చేయడంతో ప్రస్తుతం వైరల్​గా మారింది. 

దీంతో ఎండోమెంట్ ఇన్​స్పెక్టర్​ నరసింహ సింగ్ ప్రొద్దుటూరు నుంచి పులివెందులకు వచ్చి విచారణ చేపట్టారు. అయితే ప్రతిరోజు పలువురు ఎండోమెంట్ ఉద్యోగులు తమ విధులు ముగిశాక సాయంత్రం ఆరు గంటల నుంచి రాత్రి సమయం వరకూ మద్యం సేవిస్తుంటారని స్థానికులు ఆరోపిస్తున్నారు.