Published : 5 hours ago
|Updated : 5 hours ago
LIVE : మూసీనది ప్రక్షాళనపై మంత్రి కోమటిరెడ్డి ప్రెస్మీట్ - Komatireddy On Musi Prakshalana
Minister Komatireddy Pressmeet Live : మూసీనది ప్రక్షాళనపై బీఆర్ఎస్ నేతలు చేస్తున్న విమర్శలను మంత్రి కోమటిరెడ్డి వెంకట్రెడ్డి తిప్పికొట్టారు. ప్రజలను రెచ్చగొట్టేందుకే బీఆర్ఎస్ నాయకులు లేనిపోని ఆరోపణలు చేస్తున్నారని మండిపడ్డారు. గ్రేటర్ హైదరాబాద్ ప్రజలకు ఎలాంటి ఇబ్బంది లేకుండా చూస్తామన్నారు. ఇళ్లు కోల్పోయిన వారికి ప్రభుత్వం అండగా ఉంటుందన్నారు. హైదరాబాద్ను విశ్వనగరంగా తీర్చిదిద్దాలనే ఉద్దేశంతోనే మూసీనదిని ప్రక్షాళన చేస్తున్నామన్నారు. నిర్వాసితులందరికీ తమ ప్రభుత్వం న్యాయం చేస్తుందన్నారు. ఈ విషయంలో ప్రజలు ఎటువంటి ఆందోళనకు గురికావాల్సిన అవసరం లేదని కోమటిరెడ్డి చెబుతున్నారు. ఈ సందర్భంగా బీఆర్ఎస్పై తీవ్ర విమర్శలు గుప్పిస్తున్నారు. కేటీఆర్, హరీశ్రావులు అనవసరంగా రాద్ధాంతం చేస్తున్నారని మండిపడుతున్నారు. కాంగ్రెస్ ప్రభుత్వం అధికారం చేపట్టాక రాష్ట్రాన్ని అభివృద్ధి పథంలో నడిపించేందుకు సీఎం రేవంత్ రెడ్డి సారథ్యంలో మంత్రులమంతా కృషి చేస్తున్నామని వివరించారు. మూసీ ప్రక్షాళన విషయంలో తప్పుడు ప్రచారాలను నమ్మవద్దని ప్రజలను కోరారు. మూసీనది ప్రక్షాళనపై హైదరాబాద్లో మంత్రి కోమటిరెడ్డి మీడియాతో మాట్లాడుతున్నారు.
Last Updated : 5 hours ago