రైల్లో విద్యార్థిని పట్ల ఓ వ్యక్తి అసభ్య ప్రవర్తన - పట్టుకుని పోలీసులకు అప్పగింత - Man Misbehaved With a Student - MAN MISBEHAVED WITH A STUDENT

Man Misbehaved With Student in Train : ఆడవారికి ఎక్కడా భద్రత లేకుండాపోయింది. కనీసం బస్సులు, రైళ్లలో ప్రయాణం చేయాలన్నా ఆడపిల్లలు భయపడే ఘటనలు వెలుగు చూస్తున్నాయి. విజయవాడ నుంచి విశాఖపట్నం వెళ్తున్న రైల్లో ఓ విద్యార్థినిపై తెల్లవారు జామున రెెండు గంటల సమయంలో ఓ వ్యక్తి అసభ్యంగా ప్రవర్తించాడు. బాధితురాలు వెంటనే అప్రమత్తమై దుశ్చర్యకు పాల్పడిన వ్యక్తిని పట్టుకునే లోపు నిందితుడు పారిపోయే ప్రయత్నం చేశాడు. విద్యార్థిని అరుపులతో అదే కోచ్‌లో ఉన్న విద్యార్థి సంఘం నాయకుడు సాయి కుమార్​ నిందితుడిని పట్టుకొని రైల్వే పోలీసులకు అప్పగించారు.  

ఈ క్రమంలో విద్యార్థి సంఘం నాయకుడు సాయి కుమార్​ మాట్లాడుతూ ప్రయాణికులకు భద్రత కల్పించడంలో అధికారులు పూర్తిగా విఫలమయ్యారని విమర్శించారు. ఇప్పటికైనా ఉన్నతాధికారులు స్పందించి ఇటువంటి దుశ్చర్యలకు పాల్పడే వారిపై కఠిన చర్యలు తీసుకోవాలని డిమాండ్‌ చేశారు. ఇలాంటి ఘటనలు జరగకుండా అధికారులు రక్షణ కల్పించే ఏర్పాట్లు చేయాలని ప్రయాణికులు కోరారు.