LIVE: ఉద్రిక్తంగా కాంగ్రెస్​ 'చలో సెక్రటేరియట్'​ - షర్మిల బైఠాయింపు - ప్రత్యక్ష ప్రసారం

Congress Chalo Secretariat: విజయవాడలోని కాంగ్రెస్‌ పార్టీ కార్యాలయం ఆంధ్రరత్న భవన్ వద్ద తీవ్ర ఉద్రిక్త వాతావరణం నెలకొంది. నిరుద్యోగుల సమస్యలపై పోరాటానికి నేడు చలో సచివాలయానికి కాంగ్రెస్‌ పిలుపునిచ్చింది.  ఈ నేపథ్యంలో ఆంధ్రరత్న భవన్‌లోనే షర్మిల రాత్రి బస చేశారు. కాసేపట్లో చలో సచివాలయానికి షర్మిల బయల్దేరనున్నారు. షర్మిలను బయటకు రాకుండా నిలువరించాలని పోలీసుల యోచనలో ఉన్నారు. దీంతో ఆంధ్రరత్న భవన్‌ చుట్టూ భారీగా పోలీసులు మోహరించారు. కాంగ్రెస్‌ పార్టీ కార్యాలయం ఆంధ్రరత్న భవన్‌ చుట్టూ బారికేడ్లు ఏర్పాటు చేశారు. పలుచోట్ల కాంగ్రెస్ నేతల అరెస్టులు, గృహనిర్బంధం చేస్తున్నారు. కాంగ్రెస్‌ నేతలు మస్తాన్‌వలి, రుద్రరాజును పోలీసులు అరెస్టు చేశారు. 

అదే విధంగా చలో సచివాలయం పిలుపు దృష్ట్యా ప్రకాశం బ్యారేజీ వద్ద బందోబస్తు ఏర్పాటు చేశారు. రాకపోకలు సాగించకుండా పటిష్ఠ బందోబస్తు ఏర్పాటు చేసి పోలీసుల తనిఖీలు చేస్తున్నారు. మందడం, మల్కాపురంలో సచివాలయానికి వెళ్లే దారుల్లో బారికేడ్లు ఏర్పాటు చేశారు. ఉద్రిక్తత వాతావరణం నడుమ కాంగ్రెస్ పార్టీ చలో  సచివాలయం ఎలా జరగనుందో ఆసక్తి నెలకొంది. కాంగ్రెస్ చలో సెక్రటేరియట్ కార్యక్రమం ప్రత్యక్ష ప్రసారం మీకోసం.