LIVE పైప్లైన్ ద్వారా ఇంటింటికీ గ్యాస్ ప్రారంభించిన సీఎం- తిరుపతి నుంచి ప్రత్యక్షప్రసారం - CHANDRABABU TIRUCHANUR TOUR LIVE
By ETV Bharat Andhra Pradesh Team
Published : Jan 12, 2025, 6:23 PM IST
Chandrababu Tiruchanur Tour Live : తిరుచానూరులో ముఖ్యమంత్రి చంద్రబాబు పర్యటిస్తున్నారు. ఈ క్రమంలోనఏ ఆయన ఇంటింటికీ పైప్లైన్ ద్వారా గ్యాస్ పంపిణీ పథకాన్ని ప్రారంభించారు. అనంతరం తిరుచానూరులో వినియోగదారుడి ఇంట్లో స్టవ్‌ వెలిగించి టీ పెట్టారు. పైప్లైన్ గ్యాస్, సిలిండర్ గ్యాస్ మధ్య తేడా గురించి వినియోగదారుడిని అడిగి వివరాలు తెలుసుకున్నారు. సీఎం వెంట కార్యక్రమంలో మంత్రి బీసీ జనార్దన్‌రెడ్డి, ప్రజాప్రతినిధుల పాల్గొన్నారు. అనంతరం పర్యావరణహిత ద్విచక్రవాహనాలు ప్రారంభించారు. జెండా ఊపి సీఎన్‌జీ వాహనాల ర్యాలీ ప్రారంభించారు. ఇంటింటికీ గ్యాస్ సరఫరాకు 2014-19 మధ్య ప్రణాళికలు వేశామని చంద్రబాబు తెలిపారు. 99 లక్షల కుటుంబాలకు గ్యాస్ సరఫరా చేసేలా ప్రణాళికలు రూపొందించామని పేర్కొన్నారు. ఇంటింటికీ గ్యాస్ సరఫరా కోసం 5 కంపెనీలను సంప్రదించామని చెప్పారు. 2047 నాటికి స్వర్ణాంధ్ర కోసం పనిచేస్తున్నామని వివరించారు. మనరాష్ట్రం త్వరలోనే గ్రీన్ ఎనర్జీ హబ్‌గా మారుతుందన్నారు. భవిష్యత్తులో గ్రీన్ హైడ్రోజన్ ఉత్పత్తులు ఎగుమతి చేస్తామని వెల్లడించారు. మన రాష్ట్రానికి పుష్కలంగా సహజ వనరులు ఉన్నాయని చంద్రబాబు అన్నారు.