LIVE: అనంతపురంలో కాంగ్రెస్ ఎన్నికల శంఖారావం బహిరంగ సభ, ప్రసంగిస్తున్న షర్మిల- ప్రత్యక్ష ప్రసారం

AP Congress Public Meeting Live: అనంతపురం నుంచి ఎన్నికల శంఖారావాన్ని కాంగ్రెస్‌ జాతీయాధ్యక్షుడు మల్లికార్జున ఖర్గే  ప్రారంభించారు. ఇవాళ 'న్యాయ సాధన' పేరుతో అనంతపురంలో కాంగ్రెస్  బహిరంగసభకు ఏర్పాటు చేసింది. ఈ కార్యక్రమంలో ముఖ్య అతిధిగా మల్లికార్జున ఖర్గే పాల్గొన్నారు. పీసీసీ అధ్యక్షురాలు వైఎస్‌ షర్మిల నేతృత్వంలో 'న్యాయ సాధన' బహిరంగసభ ఏర్పాటు చేశారు. ఎన్నికల నేపథ్యంలో త్వరలో రాష్ట్ర వ్యాప్తంగా  తిరుపతి, గుంటూరు, విశాఖలో దశలవారీగా కాంగ్రెస్‌ బహిరంగసభలు ఏర్పాటు చేయనున్నట్లు కాంగ్రెస్ వర్గాలు తెలిపాయి. సభలో కొన్ని కీలక ప్రకటనలు చేయస్తారని కాంగ్రెస్ వర్గాలు పేర్కొన్నాయి  కాంగ్రెస్‌ ద్వారానే రాష్ట్రానికి ప్రత్యేక హోదా సాధ్యమని చెప్పనున్నారు. ఏపీ కాంగ్రెస్‌ అధ్యక్షురాలిగా షర్మిల బాధ్యతలు చేపట్టాక పార్టీ ఆధ్వర్యంలో వివిధ రూపాల్లో కార్యక్రమాలు నిర్వహిస్తున్నారు.  ఎంపీ, ఎమ్మెల్యేగా పోటీకి అవకాశమివ్వాలని రాష్ట్రవ్యాప్తంగా 1,100 మంది దరఖాస్తు చేశారు. వీరిలో ఎవరెవరికి టిక్కెట్లు ఇవ్వాలని పీసీసీ సమావేశంలో చర్చించి ప్రాథమికంగా నిర్ణయించనున్నారు. ఏఐసీసీ నుంచి ఆమోదం వచ్చాక అభ్యర్థులను ప్రకటించనున్నారు.