దుండిగల్​లో​ బాలుడిపై దాడి, తృటిలో తప్పిన ప్రాణాపాయం - DOG ATTACK ON A BOY IN DUNDIGAL

Dog Attack on A Boy: మేడ్చల్​ మల్కాజ్​గిరి జిల్లా కుత్బుల్లాపూర్ నియోజకవర్గం దుండిగల్ మున్సిపాలిటీ పరిధిలోని బౌరంపెట్ గ్రామ పంచాయితీ సమీపంలో ఆడుకుంటున్న జస్వంత్​ అనే బాలుడిపై ఓ వీధి కుక్క ఉన్నట్టుండి ఒక్కసారిగా దాడి చేసింది. కుక్క బాలుడి మోకాలి పై భాగంలో కరవడంతో బాలుడు తీవ్రంగా గాయపడ్డాడు. బౌరంపేట్​లో నివాసముండే జేమ్స్ కుమారుడు జస్వంత్ ఇంగ్లీషు స్కాలర్స్ స్కూల్​లో రెండవ తరగతి చదువుతున్నాడు. ఈరోజు జస్వంత్ కిరాణం షాప్​కు వెళుతుండగా వీధి కుక్కలు వెంటపడి తరవగా పరుగెత్తాడు. 

తొడకు భారీగా గాయం కావడంతో హూటాహుటిన అంబులెన్స్ ద్వారా సమీపంలో సూరారంలోని నారాయణ మాల్లారెడ్డి ఆసుపత్రికి తరలించారు. అక్కడ ప్రాథమిక చికిత్స చేసిన అనంతరం మెరుగైన చికిత్స కోసం నారాయణగూడలో ప్రత్యేక ట్రీట్​మెంట్ అందించే​ ఆసుపత్రికి తరలించారు. కాగా హైదరాబాద్​ నగరంలో కుక్కల దాడులు రోజురోజుకు పెరిగిపోతున్నాయి. స్టెర్లైజేషన్​ ప్రక్రియను చేయడం ద్వారా కుక్కల దాడి నుంచి ప్రజలను కాపాడవచ్చని పలువురు సూచిస్తున్నారు.