అంబటి హింట్ ​- 'నా ఇంట్లోనే ఉన్నాడు వచ్చి అరెస్టు చెయ్యండి' - షాకిచ్చిన పోలీసులు

వైఎస్సార్సీపీ సోషల్ మీడియా కార్యకర్త రాజశేఖర్‌రెడ్డి అరెస్టు

YSRCP Social Media Activist Rajasekhar Reddy Arrested in Guntur :వైఎస్సార్సీపీ సీనియర్ నేత, మాజీ మంత్రి అంబటి రాంబాబు ఇంట్లో ఉన్న ఆ పార్టీ సోషల్ మీడియా కార్యకర్తను నూజివీడు పోలీసులు అరెస్టు చేశారు. పల్నాడు జిల్లా నకరికల్లుకు చెందిన రాజశేఖర్ రెడ్డి హోంమంత్రి అనితపై సోషల్ మీడియాలో అసభ్య పోస్టులు పెట్టాడు.

దీనిపై నూజివీడు కేసు నమోదు చేసిన పోలీసులు రాజశేఖర్ రెడ్డి కోసం కొన్ని రోజులుగా వెదుకుతున్నారు. నకరికల్లులో రాజశేఖర్ రెడ్డి నివాసానికి వెళ్లి సోదాలు చేశారు. ఈ క్రమంలోనే రాజశేఖర్ రెడ్డి తమ ఇంట్లోనే ఉన్నాడని అంబటి రాంబాబు మీడియా ముఖంగా చెప్పారు. వెంటనే రంగంలోకి దిగిన నూజివీడు పోలీసులు గుంటూరులోని అంబటి రాంబాబు ఇంట్లో ఉన్న రాజశేఖర్ రెడ్డిని అరెస్టు చేసి పట్టుకొచ్చారు.