పల్నాడులో యువకుడు దారుణ హత్య - సంఘటనపై స్పందించిన జిల్లా ఎస్పీ - Young Man Murder

Young Man Murder in Panladu District : పల్నాడు జిల్లా వినుకొండ పట్టణంలో ఓ యువకుడు దారణ హత్యకు గురయ్యాడు. ఈ సంఘటనలో ఎలాంటి రాజకీయ కోణం లేదని, వ్యక్తిగత కారణంగా హత్య జరిగిందని జిల్లా ఎస్పీ కంచి శ్రీనివాసరావు పేర్కొన్నారు.

Young Man Murder in Panladu District : పల్నాడు జిల్లాలో ఓ యువకుడు దారుణ హత్య గురయ్యాడు. ప్రజలందరూ చూస్తూ ఉండగానే కొబ్బరి బొండాల కత్తితో అతికిరాతకంగా నరికి చంపాడు. వినుకొండ ప్రభుత్వ మద్యం దుకాణంలో సూపర్వైజర్​గా పనిచేస్తున్న షేక్ రషీద్(25) అనే యువకుడు దారుణహత్యకు గురయ్యాడు. పట్టణంలోని ముళ్లమూరు బస్టాండ్ వద్ద బుధవారం రాత్రి (జులై 17న) ఘటన చోటు చేసుకుంది. వినుకొండ పట్టణంలోని పెద్దమసీదు బజారుకు చెందిన రషీద్ మద్యం దుకాణంలో పనిచేస్తున్నాడు. నగదు లెక్కించి లెక్క రాసి బయటకు రాగానే దుకాణం బయట కాపు కాసిన ఏసీ మెకానిక్ షేక్ జిలాని కొబ్బరి బొండాలు నరికే కత్తితో విచక్షణ రహితంగా మెడ, తల, ఒంటిపై దాడి చేయడంతో రషీద్ అక్కడికక్కడే కుప్పకూలాడు. ఈ సంఘటనలో షేక్​ రషీద్​ ఒక చేయి తెగి పక్కన పడింది.

Vinukonda Panladu Districtస్థానికుల సమాచారం మేరకు పోలీసులు సంఘటన స్థలానికి చేరుకున్నారు. రక్తపు మడుగులో కొనఊపిరితో ఉన్న అతడిని పోలీసులు 108 వాహనం ద్వారా ప్రైవేటు ఆసుపత్రికి హుటాహుటిన తరలించారు. అక్కడ అతన్ని వైద్యుడు పరీక్షించి మృతి చెందినట్లు నిర్ధారించారు. షేక్​ రషీద్​ను దారుణంగా హత్య చేసిన నిందితుడిపై పోలీసులు కేసు నమోదు చేశారు. అతని అదుపులోకి తీసుకొని విచారిస్తున్నారు.

వ్యక్తిగత కారణాల వల్లే హత్య :రాజకీయ కారణాల వల్లనే షేక్​ రషీద్​ హత్య జరిగిందని వదంతులు రావడంతో ఈ సంఘటనపై జిల్లా ఎస్పీ కంచి శ్రీనివాసరావు స్పందించారు. గత కొంతకాలంగా షేక్​ రషీద్​కు, జిలాని మధ్య వ్యక్తిగత కక్షల కారణంగా ఈ హత్య జరిగిందని పేర్కొన్నారు. ఈ హత్యలో ఎలాంటి రాజకీయ కోణం లేదని వ్యాఖ్యానించారు. పట్టణంలో ఇలాంటి తరహా ఘటనలకు ఎవరైనా పాల్పడితే ఉపేక్షించేది లేదని హెచ్చరించారు. శాంతి భద్రతల దృష్ణ్యా వినుకొండ పట్టణంలో 144 సెక్షన్​ను అమలు చేస్తున్నామని పేర్కొన్నారు. పట్టణవాసులందరూ పోలీసులకు సహకరించాలని విజ్ఞప్తి చేశారు.