Thaman Musical Night in Vijayawada: తలసేమియా బాధితులకు అండగా నిలిచే లక్ష్యంతో విజయవాడ వేదికగా యుఫోరియా మ్యూజికల్ నైట్ నిర్వహిస్తున్నట్టు ఎన్టీఆర్ ట్రస్ట్ మేనేజింగ్ ట్రస్టీ నారా భువనేశ్వరి పేర్కొన్నారు. హైదరాబాద్ ఎన్టీఆర్ ట్రస్ట్ భవన్లో ఈ మేరకు నిర్వహించిన కార్యక్రమంలో ప్రముఖ సంగీత దర్శకుడు తమన్, ట్రస్ట్ సీఈఓ రాజేంద్ర పాల్గొన్నారు. ఫిబ్రవరి 15న ఎన్టీఆర్ ట్రస్ట్ ఆధ్వర్యంలో ఇందిరా గాంధీ ఇంటర్నేషనల్ స్టేడియం లో ఈ కన్సర్ట్ ని నిర్వహించనున్నారు.
తమన్ ఆధ్వర్యంలో ప్రముఖ డ్రమ్స్ ప్లేయర్ శివమణి సహా దాదాపు 50 మంది కళాకారులు యుఫోరియాలో ఆడిపాడి ఆకట్టుకోనున్నారు. ఈ కార్యక్రమంలో దాదాపు లక్ష మంది పాల్గొంటారని అంచనా. బుక్ మై షో లో టికెట్స్ అందుబాటులో ఉన్నాయని ఈ సందర్బంగా పేర్కొన్న నారా భువనేశ్వరి, ఈ షో ద్వారా వచ్చిన డబ్బుని తలసేమియా కేంద్రాల ఏర్పాటుకు వినియోగిస్తామన్నారు.