హైదరాబాద్​ చేరుకున్న 'మియా భాయ్' - సిరాజ్​కు అభిమానుల ఘన స్వాగతం - Mohammed Siraj Came to Hyderabad

Mohammed Siraj Came to Hyderabad : టీ-20 వరల్డ్‌కప్‌లో విజయానంతరం హైదరాబాద్‌కు చేరుకున్న లోకల్‌ బాయ్‌ మహమ్మద్ సిరాజ్​కు శంషాబాద్​ ఎయిర్​పోర్ట్​లో ఘన స్వాగతం లభించింది. సిరాజ్‌ను భారీ ర్యాలీగా ఇంటివరకు తీసుకెళ్లాలని అభిమానులు ప్రణాళిక వేశారు. ముంబైలో జరిగిన టీమిండియా విన్నింగ్‌ పరేడ్‌ తరహాలో ఈ ఊరేగింపు కూడా జరగాలని సిరాజ్‌ అభిమానులు భావిస్తున్నారు.

Team India Pacer Mohammed Siraj Reached Hyderabad :ప్రపంచ క్రికెట్ కప్ కోసం దాదాపు 11 సంవత్సరాల కల సహకారమైందని స్పీడ్ బౌలర్ సిరాజ్ మియా అన్నారు. టీ-20 ప్రపంచ కప్ గెలిచిన అనంతరం మహమ్మద్ సిరాజ్ తొలిసారిగా హైదరాబాద్ చేరుకున్నారు. సిరాజ్​కు శంషాబాద్ ఎయిర్​పోర్ట్​లో అభిమానులు ఘనంగా స్వాగతం పలికారు.

ఆయన మీడియాతో మాట్లాడుతూ, టీ-20 ప్రపంచ కప్ గెలవడం హైదరాబాద్​కు గర్వకారణమని సిరాజ్ అన్నారు. 11 సంవత్సరాలుగా ఎదురుచూస్తున్న క్రికెట్ అభిమానులకు ఇది మరిచిపోని రోజు అని గుర్తు చేశారు. తాను కూడా క్రికెట్ టీమ్​కు చాలా కష్టపడుతున్నానని, ఇంకా కష్టపడి రానున్న రోజుల్లో ఇండియాకు మరిన్ని పథకాలు సాధించే విధంగా కృషి చేస్తానని అన్నారు.