Medicover Hospital in Hyderabad : హైదరాబాద్ మాదాపూర్లోని మెడికవర్ ఆసుపత్రిలో ఠాగూర్ సినిమాలోని హాస్పిటల్ సీన్ రిపీట్ అయింది. రోగి మృతి చెందినా చికిత్స చేస్తున్నామంటూ ఆసుపత్రి యాజమాన్యం డబ్బులు వసూలు చేసిందని మృతురాలి బంధువులు ఆరోపించారు. రోగి చికిత్స కోసం అప్పటికే రూ.7 లక్షలు చెల్లించినట్లు తెలిపారు. అయితే మరో రూ. 3 లక్షల 80 వేలను చెల్లించాలని లేకపోతే వారి కుమార్తెకు చికిత్స ఆపేస్తామని డాక్టర్లు ఒత్తిడి చేసినట్లు తెలిసింది.
బాధితుల వివరాల ప్రకారంజూనియర్‌ డాక్టర్ నాగప్రియ అనే యువతి అనారోగ్యానికి గురైంది. కాగా చికిత్స కోసం కొన్ని రోజుల క్రితం మాదాపూర్లోని మెడికవర్ ఆసుపత్రిలో చేరింది. మంగళవారం రాత్రి (నవంబర్ 05)న చికిత్స అందిస్తుండగా ఆమె మృతి చెందింది. కానీ ఈ విషయం కుటుంబ సభ్యులకు చెప్పకుండా ఆసుపత్రి యాజమాన్యం దాచిపెట్టిందని ఆమె కుటుంబ సభ్యులు ఆరోపిస్తున్నారు. ట్రీట్మెంట్ కొనసాగించాలంటే బిల్లు కట్టాలని, లేకపోతే చికిత్స ఆపేస్తామని డాక్టర్లు చెప్పారని అన్నారు.