Plan To Complete Walking Every Day :ఫిట్గా ఉండేందుకు చాలా మంది ఎన్ని అడుగులు వేయాలా అని ఆలోచిస్తూ లెక్కలు వేస్తుంటారు. కానీ కొన్ని అనివార్య కారణాల వల్ల బయటకు వెళ్లేందుకు సమయం కుదరకపోవచ్చు. అలాంటి వారు ఈ సింపుల్ ట్రిక్స్ పాటిస్తూ వాకింగ్ను పూర్తి చేసేలా ప్లాన్ చేసుకోండి.
- ఇంటిని క్లీన్ చేయడం, దుస్తులను ఉతకడం లాంటివి వ్యాయామం లాగానే ఉపయోగపడతాయి. మీకు తెలియకుండానే ఆ సమయంలో వాకింగ్ కూడా అయిపోతుంది. ఆ అడుగులు ఎన్నో తెలియాలంటే స్మార్ట్వాచ్ను ఉపయోగించవచ్చు.
- కొంతమంది ఫోన్ మాట్లాడుతున్నప్పుడు ఒకే చోట అలా కూర్చుని ఉంటారు. అలా కాకుండా అటూ ఇటూ తిరుగుతూ, ఏదో ఒక పనిని చేసుకుంటూ ఫోన్ మాట్లాడినట్లయితే పనులూ పూర్తవుతాయి. శరీరానికి వ్యాయామం కూడా అవుతుంది.
- కొన్ని గంటల తరబడి టీవీని చూస్తూ కూర్చుంటారు కొంతమంది. విరామం వచ్చినప్పుడో లేదా మధ్యలో అటూ ఇటూ తిరుగుతూ ఉండటం ఉత్తమం. దీనివల్ల పెద్దగా కష్టం తెలియకుండానే ఎక్సర్సైజ్ అవుతుంది.
- మీ దినచర్యలో రోజుకు కనీసం ఓ 20 నిమిషాలు వెచ్చించి ట్రెడ్మిల్పై వాకింగ్ చేయడం వల్ల పూర్తి ఆరోగ్యం మీ సొంతమవుతుంది. శరీరం క్రమంగా ఫిట్గా మారుతుంది.
- కూరగాయలు కట్ చేయడం, టేబుల్ టాప్ను క్లీన్ చేయడం లాంటి పనులు చేస్తున్నప్పుడు ఒకే చోట కుదురుగా ఉండేలా చేయకుండా సాంగ్స్ను జోడించి అటూ ఇటూ తిరుగుతూ మధ్యలో చిన్న చిన్న స్టెప్పులేస్తూ ఉండటం ఉత్తమం. దీని వల్ల శరీరానికి వ్యాయామం అవుతుంది.
- మీరు పని చేసే చోట (ఆఫీస్లో) గంటల తరబడి ఒకే చోట అలా కూర్చోకుండా మధ్యలో విరామం తీసుకుంటూ అప్పుడప్పుడూ ఓ నాలుగు అడుగులు వేస్తూ ఉండటం బెటర్. లేదంటే నెక్పెయిన్, నడుము నొప్పి లాంటి సమస్యలు వస్తాయి.
- మీరు ఎన్ని అడుగులు వేశారో, ఎన్ని కిలోమీటర్ల దూరం నడిచారో అనే విషయాన్ని ఫిట్నెస్ యాప్ల ద్వారా తెలుసుకోవచ్చు. దీని వల్ల మరింత ఉత్సాహంగా కొనసాగిస్తారు.