Coal India Jobs :పోటీపరీక్షలకు ప్రిపేర్ అవుతున్న ఉద్యోగార్థులకు గుడ్న్యూస్. కోల్ ఇండియా లిమిటెడ్ 640 మేనేజ్మెంట్ ట్రెయినీ ఉద్యోగాల భర్తీకి నోటిఫికేషన్ విడుదల చేసింది. జీతభత్యాలు, అర్హత, వయోపరిమితి, పోస్టుల సంఖ్య తదితర విషయాలను ఇప్పుడు తెలుసుకుందాం.
ఉద్యోగాలు :మొత్తం ఉద్యోగాల్లో జనరల్‌కు 190, ఈడబ్ల్యూఎస్‌లకు 43, ఎస్సీలకు 67, ఎస్టీలకు 34, ఓబీసీ (ఎన్‌సీఎల్‌)లకు 124 కేటాయించారు. బ్యాక్‌లాగ్‌ పోస్టులు 182 ఉన్నాయి.
దరఖాస్తు విధానం :ఆసక్తి, అర్హత ఉన్న అభ్యర్థులు ఆన్‌లైన్‌లో దరఖాస్తు చేసుకోవాలి.
అభ్యర్థులను గేట్‌ స్కోర్‌- 2024 ఆధారంగా ఎంపిక చేస్తారు.
1. మైనింగ్‌-263 జాబ్స్ : 60 శాతం మార్కులతో మైనింగ్‌ ఇంజినీరింగ్‌ డిగ్రీలో ఉత్తీర్ణులై ఉండాలి.
2. సివిల్‌ విభాగం-91 : 60 శాతం మార్కులతో సివిల్‌ ఇంజినీరింగ్‌ డిగ్రీలో ఉత్తీర్ణులై ఉండాలి.
3. ఎలక్ట్రికల్‌ విభాగం-102 :ఎలక్ట్రికల్‌/ ఎలక్ట్రికల్‌ అండ్‌ ఎలక్ట్రానిక్స్‌ ఇంజినీరింగ్‌/ ఎలక్ట్రానిక్స్‌ అండ్‌ ఎలక్ట్రికల్‌ ఇంజినీరింగ్‌ డిగ్రీ ఫస్ట్ క్లాస్లో ఉత్తీర్ణులై ఉండాలి .
4. మెకానికల్‌ విభాగం-104 : 60 శాతం మార్కులతో మెకానికల్‌ ఇంజినీరింగ్‌లో బీటెక్ డిగ్రీ.
5. సిస్టమ్‌-41: 60 శాతం మార్కులతో బీఈ/ బీటెక్/ కంప్యూటర్‌ సైన్స్‌తో బీఎస్సీ (ఇంజినీరింగ్‌)/ కంప్యూటర్‌ ఇంజినీరింగ్‌/ ఐటీ. లేదా మొదటి శ్రేణి డిగ్రీతోపాటు ఎంసీఏ.
6.ఈఅండ్‌టీ విభాగం-39 : 60 శాతం మార్కులతో ఎలక్ట్రానిక్స్‌ అండ్‌ టెలికమ్యూనికేషన్‌/ ఎలక్ట్రానిక్స్‌ అండ్‌ కమ్యూనికేషన్‌ చేసి ఉండాలి.
వయోపరిమితి : 30.09.2024 నాటికి 30 ఏళ్లు మించకూడదు. ఓబీసీ (ఎన్‌సీఎల్‌)లకు మూడేళ్లు, ఎస్సీ/ఎస్టీలకు 5 ఏళ్లు, దివ్యాంగులకు పది నుంచి 15 ఏళ్లు, మాజీ సైనికోద్యోగులకు ప్రభుత్వ మార్గదర్శకాలకు అనుగుణంగా సడలింపులు ఉంటాయి.
దరఖాస్తు రుసుము : రూ.1180. ఎస్సీ/ ఎస్టీ/ దివ్యాంగులు/ కోల్ ఇండియా లిమిటెడ్ ఉద్యోగులకు అప్లికేషన్ ఫీజు లేదు.
- గేట్‌ స్కోర్‌-2024, బ్రాంచ్‌లు, కేటగిరీలవారీగా 1:3 నిష్పత్తిలో అభ్యర్థుల మెరిట్‌ జాబితాను తయారుచేస్తారు.
- ప్రభుత్వ/ ప్రభుత్వరంగ సంస్థలు/ ప్రముఖ ప్రైవేటు సంస్థలో పనిచేస్తున్నవాళ్లు ‘నో అబ్జెక్షన్‌ సర్టిఫికెట్’ను దరఖాస్తు చేసుకునే సమయంలోనే అప్‌లోడ్‌ చేయాలి.
- గేట్‌ స్కోర్‌ ఆధారంగా ఎంపికచేసిన అభ్యర్థుల జాబితాను వెబ్‌సైట్‌లో ఉంచుతారు. వీరికి సర్టిఫికెట్ వెరిఫికేషన్, మెడికల్ ఎగ్జామినేషన్ నిర్వహించి తుది ఎంపిక చేస్తారు.
- ఈ సమాచారాన్ని అధికారిక వెబ్‌సైట్‌లో అందుబాటులో ఉంచుతారు. అభ్యర్థుల ఈమెయిల్‌ ఐడీ, మొబైల్‌ నంబర్లకు కూడా తెలియజేస్తారు.
జీతభత్యాలు : ఈ ఉద్యోగాలకు ఎంపికైన అభ్యర్థులకు ఏడాది పాటు శిక్షణ ఉంటుంది. ఈ సమయంలో జీతభత్యాలు రూ.50,000-1,60,000 వరకూ ఉంటుంది. ట్రైనింగ్ పూర్తి చేసిన తర్వాత వేతన శ్రేణి రూ.60,000-1,80,000 వరకూ ఉంటుంది. డియర్‌నెస్‌ అలవెన్స్(డీఏ), హెచ్‌ఆర్‌ఏ, పర్ఫార్మెన్స్‌ రిలేటెడ్‌ పే (పీఆర్‌పీ), లీవ్, మెడికల్, సీఎంపీఎఫ్, సీఎంపీఎస్, గ్రాట్యుటీ, పెన్షన్‌ తదితర సదుపాయాలూ ఉంటాయి.
ఈ ఉద్యోగాలకు దరఖాస్తు చేసేందుకు చివరి తేదీ : 28.11.2024
ముఖ్యగమనిక : ఈ పోస్టులకు ఎంపికయ్యే అభ్యర్థులను కోల్‌ఫీల్డ్స్‌లో మాత్రమే కాకుండా ఇతర అనుబంధ సంస్థల్లోనూ నియమించవచ్చు. కాబట్టి దేశవ్యాప్తంగా ఎక్కడైనా పనిచేయడానికి సిద్ధంగా ఉన్న అభ్యర్థులు మాత్రమే దరఖాస్తు చేయాలి. ఒకరు ఒక పోస్టుకు మాత్రమే పోటీపడాలనే రూల్ ఉంది.
వెబ్‌సైట్‌:www.coalindia.in
ఐటీఐతో హైదరాబాద్లో జాబ్స్ - నెలకు రూ.30 వేల శాలరీ - టైమ్ తక్కువుంది త్వరపడండి!
భారీ వేతనంతో ఇన్సూరెన్స్ కంపెనీలో జాబ్స్ - మీ చేతిలో డిగ్రీ ఉందా- ఐతే అప్లై చేసుకోండిలా!
