సీఎం చంద్రబాబు సోదరుడు రామ్మూర్తినాయుడి ఆరోగ్య పరిస్థితి విషమం

సీఎం చంద్రబాబు సోదరుడు రామ్మూర్తినాయుడి ఆరోగ్య పరిస్థితి విషమం - హైదరాబాద్​కు నారా లోకేశ్

CM Chandrababu Naidu Brother Nara Rammurthy Naidu Health Critical :సీఎం చంద్రబాబు నాయుడి సోదరుడు రామ్మూర్తి నాయుడు ఆరోగ్య పరిస్థితి విషమంగా ఉంది. చిన్నాన్నఆరోగ్య పరిస్థితి దృష్ట్యా మంత్రి నారా లోకేశ్‌ అన్ని కార్యక్రమాలను రద్దు చేసుకొని హుటాహుటిన హైదరాబాద్‌ బయల్దేరి వెళ్లారు. రామ్మూర్తి నాయుడు ప్రస్తుతం హైదరాబాద్‌లోని ఓ ఆస్పత్రిలో చికిత్స పొందుతున్నారు.

1952లో రామ్మూర్తినాయుడు నారా కర్జూరనాయుడు, అమ్మణమ్మ దంపతుల రెండో కుమారుడు. తెలుగుదేశం అధినేత చంద్రబాబు తమ్ముడు. రామ్మూర్తి నాయుడికి ఇద్దరు పిల్లలు ఉన్నారు. వారిలో ఒకరు నటుడు రోహిత్‌, నారా గిరీష్. 1994లో రామ్మూర్తినాయుడు చిత్తూరు జిల్లా చంద్రగిరి అసెంబ్లీ నుంచి ఎమ్మెల్యేగా గెలుపొంది 1999 వరకు ప్రజలకు సేవలందించారు. అనంతరం ఆయన అనారోగ్యంతో రాజకీయాల నుంచి విరమించుకున్నారు.