మరోసారి DRS కాంట్రవర్సీ- థర్డ్​ అంపైర్ డెసిషన్​పై లంక ప్లేయర్లు ఫైర్

DRS Controversy Ban vs SL 2nd T20: బంగ్లాందేశ్- శ్రీలంక మధ్య జరిగిన టీ20 మ్యాచ్​ వివాదానికి దారి తీసింది. థర్డ్ అంపైర్ నిర్ణయం తప్పు అంటూ లంక ప్లేయర్లు వారితో వాదనకు దిగారు.

DRS Controversy Ban vs SL 2nd T20:క్రికెట్​లో కొంతకాలంగా డీఆర్​ఎస్ టెక్నాలజీ వివాదాలకు దారి తీస్తుంది. ఇటీవల 2024 డబ్ల్యూపీఎల్, భారత్- ఇంగ్లాండ్ టెస్టు సిరీస్​లో ఇలాంటి సంఘటనలు జరగ్గా, తాజాగా బంగ్లాదేశ్- శ్రీలంక టీ20 మ్యాచ్​లో కూడా జరిగింది. అయితే ఈ మ్యాచ్​లో వివాదం కాస్త ముదిరింది. ఏకంగా లంక ప్లేయర్లు ఫీల్డ్ అంపైర్​తో వాగ్వాదానికి దిగారు.

ఈ మ్యాచ్​లో బంగ్లా ఇన్నింగ్స్​లో బినురా ఫెర్నాండో 3 ఓవర్ బౌలింగ్ చేశాడు. ఆ ఓవర్ తొలి బంతిని క్రీజులో ఉన్న సౌమ్య సర్కార్ (26 పరుగులు) షాట్​ ఆడాడు. బంతి నేరుగా కీపర్ చేతుల్లోకి వెళ్లింది. దీంతో బ్యాట్​కు బంతి ఎడ్జ్​ అయ్యిందని భావించిన లంక ప్లేయర్ల క్యాచౌట్​కు అప్పీల్ చేశారు. వెంటనే ఫీల్డ్ అంపైర్ కూడా సౌమ్య సర్కార్​ను ఔట్​గా ప్రకటించాడు. సౌమ్య ఫీల్డ్ అంపైర్ నిర్ణయాన్ని ఛాలెంజ్ చేస్తూ రివ్యూ కోరాడు.​

అయితే అల్ట్రా ఎడ్జ్​లో బంతి బ్యాట్​ను తాకినట్లు రిప్లైలో తేలింది. కానీ బంతికి బ్యాట్​కు మధ్యలో గ్యాప్ ఉందని భావించిన థర్డ్ అది నాటౌట్ ఇవ్వాల్సిందిగా ఫీల్డ్​ అంపైర్​కు సూచించాడు. అంతే ఒక్కసారిగా లంక ప్లేయర్లు ఆశ్చర్యానికి గురయ్యారు. అది కచ్చితంగా ఔట్ అంటూ అంపైర్​తో వాగ్వాదానికి దిగారు. దీంతో కాసేపు మ్యాచ్ నిలిచిపోయింది. ఇక లెగ్ అంపైర్​లో ఇందులో కలగజేసుకోని ఆటగాళ్లకు సర్ధిచెప్పారు. అయితే ఈ డీఆర్​ఎస్ నిర్ణయంపై సోషల్ మీడియాలో భిన్నాభిప్రాయాలు వ్యక్తమవుతున్నాయి. కొందరు థర్డ్ అంపైర్ తప్పు అంటే, ఇంకొందరు అతడి నిర్ణయం సరైందేనని అంటున్నారు.

ఇక శ్రీలంక ప్రస్తుతం బంగ్లాదేశ్ పర్యటనలో ఉంది. ఈ పర్యటనలో భాగంగా ఇరుజట్ల మధ్య బుధవారం రెండో టీ20 మ్యాచ్ జరిగింది. ఈ మ్యాచ్​లో తొలుత బ్యాటింగ్ చేసిన శ్రీలంక 165 పరుగులు చేసింది. అనంతరం ఛేజింగ్​కు దిగిన బంగ్లాదేశ్ 18.7 ఓవర్లలో 170-2 పరుగులు చేసి 8 వికెట్ల తేడాతో నెగ్గింది. నజ్ముల్ హుస్సెన్ శాంటో (53) హాఫ్ సెంచరీతో రాణించాడు. దీంతో 3 మ్యాచ్​ల సిరీస్ 1-1తో సమమైంది. నిర్ణయాత్మక మూడో టీ20 మార్చి 9న జరగనుంది.