Ustaad Bhagat Singh Dialogue Teaser :టాలీవుడ్ స్టార్ హీరో, పవర్ స్టార్ పవన్ కల్యాణ్, డైరెక్టర్ హరీశ్ శంకర్ కాంబోలో వస్తున్న లేటెస్ట్ మూవీ 'ఉస్తాద్ భగత్ సింగ్'. ఇప్పటికే ఈ సినిమా రిలీజ్ కోసం ఫ్యాన్స్ ఎంతగానో ఎదురుచూస్తున్న తరణంలో మేకర్స్ ఓ స్వీట్ సర్ప్రైజ్ను రిలీజ్ చేశారు. 'భగత్స్‌ బ్లేజ్‌' అంటూ ఆ చిత్రంలో పవన్ మోస్ట్ పవర్ఫుల్ డైలాగ్స్ను టీజర్ రూపొంలో అప్లోడ్ చేశారు. అందులో పవన్ వైలెంట్ మోడ్లో కనిపించారు.
ఆద్యందం యాక్షన్ మోడ్లో ఉన్న ఈ వీడియో ప్రస్తుతం అభిమానులతో పాటు సినీ లవర్స్ను ఆకర్షిస్తోంది. "గ్లాస్‌ అంటే సైజు కాదు, సైన్యం - కనిపించని సైన్యం" అంటూ పవన్ చెప్పిన వీడియో మొత్తానికి హైలైట్గా నిలిచింది. ఇది విన్న ఫ్యాన్స్ సంబరాలు చేస్తున్నారు. టీజర్లోనే పవర్ఫుల్ డైలాగ్స్ ఉన్నాయంటే ఇక సినిమాలో ఇంకెన్ని ఉన్నాయో అంటూ కామెంట్లు పెడుతున్నారు.
ఇక ఉస్తాద్ సినిమా విషయానికి వస్తే - ఇందులో పవన్తో పాటు శ్రీలీల నటిస్తున్నారు. మైత్రీ మూవీ మేకర్స్ నిర్మిస్తున్న ఈ మూవీకి దేవిశ్రీ ప్రసాద్‌ సంగీతాన్ని అందిస్తున్నారు. 'గబ్బర్‌సింగ్' తర్వాత పవన్-హరీశ్ కాంబోలో వస్తున్న రెండో మూవీ కావడం వల్ల ఈ చిత్రంపై అభిమానుల్లో మరింత అంచనాలు పెరిగాయి. తమిళంలో రూపొందిన సూపర్ హిట్ చిత్రం 'తేరీ'కి రీమేక్‌గా ఇది రూపొందుతోందని సమాచారం. ఇంకా చిత్రంలో అశుతోష్ రాణా, గౌతమి, నర్రా శ్రీను, చమ్మక్ చంద్ర తదితరులు ఇతర కీలక పాత్రల్లో నటిస్తున్నారు.