Rajinikanth Vettaiyan Shooting : సూపర్ స్టార్ రజనీకాంత్ ప్రస్తుతం 'వేట్టయాన్' షూటింగ్లో బిజీగా ఉన్నారు. లైకా ప్రొడక్షన్ నిర్మిస్తున్న ఈ మూవీ ప్రస్తుతం శరవేగంగా షూటింగ్ జరుపుకుంటోంది. అయితే తాజాగా సెట్స్లో జరిగిన ఓ ఘటన ఇప్పుడు నెటిజన్ల దృష్టిని ఆకర్షిస్తోంది. బాలీవుడ్ బిగ్బీ అమితాబ్ బచ్చన్, అలాగే రజనీ కలిసి ఈ సినిమా చిత్రీకరణలో సందడి చేశారు. సూట్స్ ధరించి క్లాసీ లుక్లో కనిపించారు. ఫొటోలకు ఫోజులిచ్చి కాసేపు ముచ్చటించారు. ప్రస్తుతం దీనికి సంబంధించిన ఫొటోలు నెట్టింట ట్రెండ్ అవుతోంది.
సినిమాల్లో కాకుండా ఈ ఇద్దరి ఆఫ్ స్క్రీన్ ఫ్రెండ్షిప్ గురించి అందరికీ తెలిసిందే. అప్పుడప్పుడు ఈవెంట్స్లో తళుక్కుమన్నప్పుడు రజనీ, అమితాబ్ కలిసి ముచ్చటించిన సందర్భాలు ఉన్నాయి. ఇక రజనీ గతంలో 'హమ్' అనే బాలీవుడ్ సినిమాలో కలిసి నటించారు. 1991లో విడుదలైన ఈ మూవీ అప్పట్లో మాసివ్ సక్సెస్ అందుకుంది. ఆ సినిమా తర్వాత ఈ ఇదరూ కలిసి ఒక్క సినిమా చేయలేదు. ఇప్పుడు దాదాపు 33 తర్వాత వాళ్లు 'వేట్టయాన్' ద్వారా మళ్లీ సిల్వర్ స్క్రీన్పై సందడి చేయనున్నారు. దీంతో అభిమానుల్లోనూ ఈ ద్వయంపై భారీ అంచనాలే నెలకొన్నాయి.
Vettaiyan Movie Cast : ఇక 'వేట్టయాన్' సినిమా విషయానికి వస్తే - తలైవర్ 170గా రూపొందుతున్న ఈ మూవీలో రజనీ, అమితాబ్తో పాటు మంజూ వారియర్‌, రితికా సింగ్‌, దుషారా విజయన్‌, టాలీవుడ్ స్టార్ హీరో రానా దగ్గుబాటి, మలయాళ స్టార్ హీరో ఫహాద్ ఫాజిల్ నటిస్తున్నారు. లైకా ప్రొడక్షన్స్ సంస్థ బ్యానర్పై లైకా సుభాస్కరన్ ఈ సినిమాను ప్రతిష్టాత్మకంగా తెరకెక్కిస్తున్నారు. 'జై భీమ్' ఫేమ్ డైరెక్టర్ జ్ఞానవేల్ ఈ సినిమాకు డైరెక్టర్గా వ్యవహరిస్తున్నారు. ఇక ఈ సినిమాకు తమిళ స్టార్ మ్యూజిక్ డైరెక్టర్ అనిరుధ్ రవిచందర్ చక్కటి బాణీలను అందిస్తున్నారు.