Mirzapur 3 Trailer :ప్రముఖ ఓటీటీ సంస్థ అమేజాన్ ప్రైమ్ నుంచి ఇప్పటికే ఎన్నో వెబ్ సిరీస్ విడుదలై ప్రేక్షకులను అలరించాయి. అందులో ప్రత్యేకంగా నిలిచి, విశేష ఆదరణ అందుకున్న దాంట్లో 'మీర్జాపుర్' ఒకటి. పంకజ్ త్రిపాఠి, విజయ్‌ వర్మ , అలీ ఫజల్, ఇషా తల్వార్ లాంటి స్టార్స్ నటించిన ఈ సిరీస్ నెటిజన్లను తెగ ఆకట్టుకుంది. తొలి సీజన్ హిట్ కావడం వల్ల మేకర్స్ కూడా సెకెండ్ పార్ట్తో అభిమానులను అలరించారు. అయితే తాజాగా ఈ సిరీస్కు మరో సీజన్ ఉంటుందని అఫీషియల్గా అనౌన్స్ చేసి ఆడియెన్స్ను ఫుల్ హ్యాపీ చేశారు. అంతే కాకుండా పార్ట్ 3కి సంబందించిన ట్రైలర్ను కూడా విడుదల చేశారు. ఆద్యంతం ఆసక్తికరంగా ఉన్న ఆ ట్రైలర్ ఇప్పుడు సోషల్ మీడియాలో తెగ ట్రెండ్ అవుతోంది. ఇంతకీ అందులో ఏముందంటే?
గుడ్డూ భయ్యా (అలీ ఫజల్), కాలీన్ భయ్యా (పంకజ్ త్రిపాఠీ) మధ్య జరగనున్న పోరు గురించే ఈ మూడో సీజన్ నడవనున్నట్లు ట్రైలర్ ద్వారా హింట్ ఇచ్చారు మేకర్స్. రెండో సీజన్లో తీవ్ర గాయాలతో గుడ్డూ నుంచి తప్పించుకున్న కాలీన్ భయ్యా, మళ్లీ తన సింహాసనాన్ని చేజిక్కించుకునేందుకు ఎలా పోరాడుతాడో అన్న విషయాన్ని చూపించనున్నట్లు తెలుస్తోంది.