Kalki 2898 AD Promotions : ప్రభాస్ ఫ్యాన్స్ ఎంతగానో ఎదురుచూస్తున్న 'కల్కి 2898 AD' మూవీ త్వరలో థియేటర్లలో సందడి చేయనుంది. అయితే ఈ సినిమా విడుదలకు మరో నెల మాత్రమే ఉండటం వల్ల మేకర్స్ ఈ సినిమా ప్రమోషన్స్ను భారీ స్థాయిలో ప్లాన్ చేస్తున్నారు.
ఇప్పటికే విడుదలై టీజర్, క్యారెక్టర్ రివీల్ వీడియోస్ సోషల్ మీడియాలో సెన్సేషన్స్ క్రియేట్ చేస్తున్నాయి. అంతే కాకుండా తాజాగా రిలీజైన బుజ్జి క్యారెక్టర్ వీడియో కూడా అభిమానుల్లో ఈ సినిమాపై మరింత ఆసక్తి పెంచింది. పైగా ప్రభాస్ లుక్ అండ్ క్యారెక్టరైజేషన్ వల్ల ఈ మూవీపై ఓ రేంజ్లో అంచనాలు నెలకొన్నాయి.
అయితే తాజాగా ఈ సినిమాకు సంబంధించిన ఓ వార్త నెట్టింట తెగ ట్రెండ్ అవుతోంది. ప్రమోషన్స్కు ఈ మూవీ టీమ్ భారీ స్థాయిలో ఖర్చు పెట్టే ప్లాన్లో ఉందట. మూవీ బడ్జెట్లో 10 శాతం దీనికే ఖర్చు చేయనున్నారని టాక్ నడుస్తోంది. అయితే ఈ మూవీ బడ్జెట్ దాదాపు రూ. 600 కోట్లు కాగా, అందులో 10 శాతం అంటే దాదాపు రూ. 60 కోట్లు ఖర్చు చేయనున్నారట. ఇటీవల ఐపీఎల్లో పాపులరైన 12 సెకన్ల యాడ్ కోసం మూవీ దాదాపు రూ. 3 కోట్లు ఖర్చు చేసిందట. చూస్తుంటే ఈ ప్రమోషనల్ బడ్జెట్ కూడా త్వరలోనే టాక్ ఆఫ్ ద టౌన్గా మారనుందని సినీ వర్గాల మాట.