Devara Special Shows :జూనియర్ ఎన్టీఆర్ అప్కమింగ్ మూవీ 'దేవర' సెప్టెంబరు 27న విడుదలకు సిద్ధమవుతున్న తరుణంలో తెలంగాణ ప్రభుత్వం తారక్ అభిమానులకు ఓ గుడ్ న్యూస్ చెప్పనుంది. ఈ మూవీ స్పెషల్ షోలకు గ్రీన్ సిగ్నల్ ఇచ్చినట్లు సమాచారం.
సాధారణంగా టాప్ హీరోల సినిమాల రిలీజ్ టైమ్లో ప్రీమియర్ షోస్ను ప్రదర్శిస్తుంటారు. అంతేకాదు, మొదటివారం టికెట్ ధరల పెంపునకు కూడా ఆయా ప్రభుత్వాలు అనుమతిని ఇస్తుంటాయి. ఈ మేరకు 'దేవర' మూవీ టీమ్ కూడా తెలంగాణ ప్రభుత్వాన్ని కలిసి స్పెషల్ షోలు, టికెట్ ధరల పెంపునకు పర్మిషన్ అడగ్గా, అందుకు అక్కడి అధికారులు సానుకూలంగా స్పందించినట్లు సమాచారం. ఇందుకు సంబంధించి ప్రభుత్వం త్వరలో జీవోను విడుదల చేయనున్నట్లు తెలుస్తోంది.
ఇక ఫస్ట్ డే అర్ధరాత్రి 1గంట షోకు అనుమతివ్వడంతో పాటు, రోజూ ఆరు ఆటలను 14 రోజుల పాటు ప్రదర్శించేందుకు కూడా ప్రభుత్వం ఓకే చెప్పిందట. సింగిల్ స్క్రీన్ థియేటర్స్లో రూ.50, అలాగే మల్టీప్లెక్స్ల్లో రూ.100 మేర టికెట్ ధర పెంచేందుకు అనుమతినిచ్చినట్లు తెలుస్తోంది.
ప్రీ రిలీజ్ బిజినెస్ లెక్కలు ఇవే!
నైజాం ఏరియాలో 'దేవర' టికెట్లు రూ.45 కోట్లకు అమ్ముడయ్యాయని సమాచారం. గతంలో ఎన్టీఆర్ నటించిన పలు చిత్రాలు నైజాం ఏరియాలో భారీగానే కలెక్షన్లను అందుకున్నాయి.ఈ క్రమంలో ఈ సారి నైజాంలో రూ.50 కోట్ల షేర్ వస్తుందని ట్రేడ్ వర్గాల అంచనా. ఇక సీడెడ్లో రూ.22 కోట్ల బిజినెస్ చేసిందని టాక్ వినిపిస్తోంది. సుమారు రూ.25 కోట్ల షేర్ వచ్చే అవకాశాలు ఉన్నాయని సమాచారం.
ఇదిలా ఉండగా, వైజాగ్లో రూ.12.5 కోట్లు, ఈస్ట్ రూ.8 కోట్లు, వెస్ట్ రూ.6 కోట్లు, కృష్ణా రూ. 7 కోట్లు, గుంటూరు రూ. 8.5 కోట్లు, నెల్లూరు రూ. 4 కోట్లు అని టాక్ నడుస్తోంది. మొత్తంగా తెలుగు రాష్ట్రాల్లో రూ.115 కోట్ల ప్రీ రిలీజ్ బిజినెస్ చేసినట్లు సమాచారం. కర్ణాటకలోనూ ఈ చిత్రాన్ని రిలీజ్ చేస్తున్నారట. అక్కడ రూ.15 కోట్లకు అమ్ముడుపోయిందట. తమిళనాడులో రూ.6 కోట్లు, కేరళలో రూ.50 లక్షల ప్రీ రిలీజ్ బిజినెస్ చేసిందట. యూఎస్లో రూ.26 కోట్లు, హిందీ బెల్ట్లో రూ.15 కోట్లు అని సమాచారం. మొత్తంగా అన్ని ఏరియాల్లో కలిపి రూ.185 కోట్ల ప్రీ రిలీజ్ బిజినెస్ అని సినీ వర్గాల్లో చర్చ నడుస్తోంది. అంటే ఈ లెక్కన రూ.200 కోట్ల షేర్ వసూళ్లు చేస్తే బ్రేక్ ఈవెన్ అవుతుంది.
'దేవర' అనే టైటిల్ అందుకే పెట్టాం : ఎన్టీఆర్ - NTR Comments on Devara Title
'దేవర' ఖాతాలో మరో సూపర్ రికార్డు - ఆ విషయంలో తొలి తెలుగు సినిమాగా ఘనత - Devara Movie Record