IDBI Bank Recruitment 2024 :దేశవ్యాప్తంగా ఐడీబీఐ బ్యాంకు జోన్లలో ఖాళీగా ఉన్న 500 జూనియర్ అసిస్టెంట్ మేనేజర్ ఉద్యోగాలకు నోటిఫికేషన్ విడుదలైంది. బెంగళూరులోని మణిపాల్, గ్రేటర్ నోయిడాలోని నిట్టే విద్యాసంస్థలతో కలిసి పీజీ డిప్లమా ఇన్ బ్యాంకింగ్ అండ్ ఫైనాన్స్(పీజీడీబీఎఫ్) కోర్సు ద్వారా ఐడీబీఐ బ్యాంకు ఈ పోస్టులను భర్తీ చేయనుంది. ఎంపికైన వారికి బ్యాంకింగ్ ఫైనాన్స్ విభాగంలో ఏడాది పాటు శిక్షణ ఉంటుంది. కోర్సు విజయవంతంగా పూర్తి చేసిన వారికి జూనియర్ అసిస్టెంట్ (గ్రేడ్- ఓ) ఉద్యోగం లభిస్తుంది. ఈ ఉద్యోగాలకు సంబంధించి అర్హత, పరీక్షా కేంద్రాల వివరాలు, ఫీజు తదితర వివరాలు మీకోసం.
నోటిఫికేషన్ వివరాలు
పోస్టు పేరు :జూనియర్ అసిస్టెంట్ మేనేజర్
- మొత్తం పోస్టుల సంఖ్య : 500
- యూఆర్- 203 పోస్టులు
- ఎస్సీ-75 పోస్టులు
- ఎస్టీ-37 పోస్టులు
- ఈడబ్ల్యూఎస్-50 పోస్టులు
- ఓబీసీ-135 పోస్టులు
అర్హతలు
- గుర్తింపు పొందిన యూనివర్సిటీ నుంచి డిగ్రీలో ఉత్తీర్ణత చెందిన వారు ఈ జూనియర్ అసిస్టెంట్ పోస్టులుకు దరఖాస్తు చేసుకోవచ్చు.
వయోపరిమితి
ఈ ఉద్యోగాలకు అప్లై చేయాలనుకునే అభ్యర్థుల వయసు 31/01/2024 నాటికి 21-25 ఏళ్ల మధ్య ఉండాలి. ఎస్సీ, ఎస్టీలకు ఐదేళ్లు, ఓబీసీలకు మూడేళ్లు, దివ్యాంగులకు పదేళ్ల గరిష్ఠ వయో పరిమితిలో సడలింపు ఉంటుంది.
ఎంపిక ప్రక్రియ
- ఆన్లైన్ టెస్ట్
- ఇంటర్య్వూ
- సర్టిఫికెట్ వెరిఫికేషన్
- మెడికల్ టెస్ట్
- దరఖాస్తు విధానం :ఆసక్తి, అర్హత ఉన్న అభ్యర్థులు ఆన్లైన్ ద్వారా అప్లై చేసుకోవచ్చు.
- పీజు :ఎస్సీ, ఎస్టీ, పీడబ్ల్యూడీ అభ్యర్థులకు రూ.200 ఫీజు ఉంటుంది. ఇతరులకు రూ.1000 ఫీజు ఉంటుంది.
- జోన్లు :అహ్మదాబాద్, భోపాల్, బెంగళూరు, చెన్నై, హైదరాబాద్, ముంబయి, నాగ్పుర్, పుణె, భువనేశ్వర్, పట్నా, చండీగఢ్, దిల్లీ, లఖ్నవూ.
శిక్షణ, ఫీజు వివరాలు
ఈ ఉద్యోగాలకు ఎంపికైన అభ్యర్థలు ఏడాది పాటు పీజీ డిప్లొమా ఇన్ బ్యాంకింగ్ ఫైనాన్స్ కోర్సులో అడ్మిషన్ ఇస్తారు. కోర్సు ఫీజు కింద రూ.3లక్షలు చెల్లించాల్సి ఉంటుంది. బ్యాంకు నిర్దేశించిన విధంగా టెర్మ్ల వారీగా ఫీజు చెల్లించవచ్చు. అర్హత గల అభ్యర్థులకు ఎడ్యుకేషన్లోన్ కూడా మంజూరు చేస్తుంది. అభ్యర్థలు మూడేళ్లు సర్వీస్ బాండ్ సమర్పించాల్సి ఉంటుంది.
జీతభత్యాలు
ఎంపికైన అభ్యర్థులకు శిక్షణకాలంలో ఆరు నెలల పాటు రూ.5000 ఇస్తారు. ఇంటర్న్షిప్ సమయంలో నెలకు రూ.15 వేలు ఇస్తాయి. విజయవంతంగా శిక్షణ పూర్తి చేసుకుని జాబ్లో చేరిన వారికి ఏడాదికి రూ.6.14 లక్షల నుంచి రూ.6.50 లక్షల వార్షిక ప్యాకేజ్ ఉంటుంది.
ముఖ్యమైన తేదీలు ఇవే!
- ఆన్లైన్లో దరఖాస్తుల స్వీకరణ : 12-02-2024
- ఆన్లైన్ దరఖాస్తుల స్వీకరణకు చివరి తేదీ : 26-02-2024
ప్రభుత్వ బ్యాంకులో భారీగా ఉద్యోగాలు- అప్లై చేసుకోండిలా! లాస్ట్ డేట్ ఎప్పుడంటే?
ఇంటర్, డిగ్రీ అర్హతతో కేంద్ర ప్రభుత్వ ఉద్యోగాలు- దరఖాస్తు చేసుకోండిలా!
