బడ్జెట్​కు ముందు షాక్- గ్యాస్ సిలిండర్ ధర పెంపు

Lpg Gas Cylinder Price Increase : 19 కిలోల వాణిజ్య గ్యాస్ సిలిండర్​ ధరను రూ.14 మేర పెంచాయి ప్రభుత్వ రంగ చమురు మార్కెటింగ్​ సంస్థలు. కొత్త రేట్లు ఈ రోజు(ఫిబ్రవరి 1) నుంచే అమల్లోకి వచ్చాయి.

Lpg Gas Cylinder Price Increase :కేంద్రం బడ్జెట్​కు ముందు చమురు సంస్థలు షాకింగ్ నిర్ణయం తీసుకున్నాయి. 19కిలోల వాణిజ్య గ్యాస్​ సిలిండర్​ ధరను గురువారం రూ.14 మేర పెంచాయి ప్రభుత్వ చమురు మార్కెటింగ్ సంస్థలు. గృహ అవసరాల వంటగ్యాస్ ధరను మాత్రం యథాతథంగా ఉంచాయి. ప్రస్తుతం 14.2 కేజీల వంట గ్యాస్ సిలిండర్ ధర రూ.903గా ఉంది.

కమర్షియల్ ఎల్​పీజీ గ్యాస్​ సిలిండర్లను హోటల్స్​, రెస్టారెంట్లు లాంటి వాటిల్లో వాడతారు. తాజాగా పెరిగిన కమర్షియల్ ఎల్​పీజీ సిలిండర్​ ధరలు గురువారమే అమల్లోకి వచ్చాయి. దీంతో దిల్లీలో 19 కేజీల కమర్షియల్​ ఎల్​పీజీ సిలిండర్​ రిటైల్​ ధర రూ.1755.50 నుంచి 1769.50కి పెరిగింది. కోల్‌కతాలో రూ.1769.50, ముంబయిలో రూ.1887, చెన్నైలో రూ.1937కు చేరుకుంది.
గత నెల(జనవరి 1న) నూతన సంవత్సరం వేళ 19 కిలోల వాణిజ్య గ్యాస్ సిలిండర్​ ధరను రూపాయిన్నర తగ్గించాయి ప్రభుత్వ రంగ చమురు మార్కెటింగ్​ సంస్థలు. గృహ అవసరాల వంటగ్యాస్ ధరను మాత్రం యథాతథంగా ఉంచాయి.

ప్రతినెలా ఒకటో తేదీన
ప్రభుత్వ రంగ చమురు సంస్థలైన ఇండియన్ ఆయిల్ కార్పొరేషన్ (IOC), భారత్ పెట్రోలియం కార్పొరేషన్ లిమిటెడ్​ (BPCL), హిందుస్థాన్ పెట్రోలియం కార్పొరేషన్ లిమిటెడ్​ (HPCL)లు ప్రతి నెల 1వ తేదీన వంటగ్యాస్​, ఏటీఎఫ్ ధరలను సవరిస్తూ ఉంటాయి.

పెట్రోల్, డీజిల్ ధరలు యథాతథం
Petrol Diesel Price Today :ప్రభుత్వ రంగ చమురు సంస్థలు రికార్డు స్థాయిలో గత 22 నెలలుగా పెట్రోల్, డీజిల్ ధరలను యథాతథంగానే ఉంచుతున్నాయి. ప్రస్తుతం దిల్లీలో లీటర్ పెట్రోల్ ధర రూ.96.72, లీటర్​ డీజిల్ ధర రూ.89.62గా ఉంది.

ఎల్​పీజీ సిలిండర్​ ధరలను ఎలా, ఎక్కడ చెక్​ చేయవచ్చు?
How To Check LPG Gas Rate Online :ఎల్​పీజీ సిలిండర్ అసలు ధరలను తెలుసుకోవాలనుకుంటే, ఇండియన్ ఆయిల్​ అధికారిక వెబ్​సైట్​​ https://iocl.com/prices-of-petroleum-products లో చూడవచ్చు. ఇదే వెబ్​సైట్​లో ఎల్​పీజీ ధరలతోపాటు, జెట్​ ఫ్యూయెల్​, ఆటో గ్యాస్​, కిరోసిన్​ మొదలైన ఇంధనాల ధరలను కూడా తెలుసుకోవచ్చు.