Best Cars Under 9 Lakh : మీరు రూ.9 లక్షల బడ్జెట్లో మంచి కారు కొనాలని అనుకుంటున్నారా? అయితే ఇది మీ కోసమే. ప్రస్తుతం మార్కెట్లో టాటా, మారుతి సుజుకి, మహీంద్రా లాంటి టాప్‌ బ్రాండ్ కార్లు ఈ బడ్జెట్ సెగ్మెంట్‌లో లభిస్తున్నాయి. ఇవి లేటెస్ట్ ఫీచర్స్‌, స్పెసిఫికేషన్స్‌తో, అదిరిపోయే డిజైన్‌తో, మంచి ఫ్యూయెల్ ఎఫీషియెన్సీ కలిగి ఉంటున్నాయి. మరెందుకు ఆలస్యం వాటిపై ఓ లుక్కేద్దాం రండి.
1. Tata Nexon :టాటా నెక్సాన్ కారులో 1497 సీసీ, 4-సిలిండర్, టర్బో ఛార్జ్‌డ్‌ డీజిల్ ఇంజిన్ ఉంటుంది. ఇది 113 bhp పవర్‌, 260 Nm టార్క్‌ జనరేట్ చేస్తుంది. ఇది 6 స్పీడ్‌ మాన్యువల్ లేదా 6-స్పీడ్‌ ఏఎంటీ ట్రాన్స్‌మిషన్‌తో అనుసంధానమై పనిచేస్తుంది. ఈ కారులో ఎకో, సిటీ, స్పోర్ట్స్‌ అనే మూడు డ్రైవింగ్ మోడ్స్ ఉంటాయి. ఈ నెక్సాన్ డీజిల్ కారు మైలేజ్ 23.23 - 24.08 కి.మీ/లీటర్. నెక్సాన్ పెట్రోల్ వేరియంట్‌ మైలేజ్ 17.01 - 17.44 కి.మీ/ లీటర్. సీఎన్‌జీ వేరియంట్‌ 16.78 కి.మీ/కేజీ మైలేజ్ ఇస్తుంది. ఈ టాటా నెక్సాన్ కారు 108 వేరియంట్లలో లభిస్తుంది.
Tata Nexon Price :మార్కెట్లో ఈ టాటా నెక్సాన్ కారు ధర సుమారుగా రూ.8 లక్షల నుంచి రూ.15.50 లక్షల వరకు ఉంటుంది.
2. Maruti Suzuki Franks :ఈ మారుతి సుజుకి ఫ్రాంక్స్‌ కారులో 998 సీసీ, 3-సిలిండర్, పెట్రోల్ ఇంజిన్ ఉంటుంది. ఇది 99 bhp పవర్‌, 147.6 Nm టార్క్‌ జనరేట్ చేస్తుంది. ఇది 5 స్పీడ్‌ మాన్యువల్ లేదా 6-స్పీడ్‌ ఆటోమేటిక్‌ ట్రాన్స్‌మిషన్‌తో అనుసంధానమై పనిచేస్తుంది. ఈ కారులో కారు మైలేజ్ 21.5 కి.మీ/లీటర్. సీఎన్‌జీ కారు మైలేజ్ 24 కి.మీ/కేజీ. ఈ టాటా నెక్సాన్ కారు 16 వేరియంట్లలో లభిస్తుంది.
Maruti Suzuki Franks Price :మార్కెట్లో ఈ మారుతి ఫ్రాంక్స్‌ కారు ధర సుమారుగా రూ.7.52 లక్షల నుంచి రూ.13.04 లక్షల వరకు ఉంటుంది.
3. Mahindra XUV 3XO : ఈ మహీంద్రా కారులో 1197 సీసీ & 1497 సీసీ ఇంజిన్‌లు ఉంటాయి. ఈ కారు పెట్రోల్, డీజిల్ ఫ్యూయెల్ వేరియంట్లలో లభిస్తుంది. మాన్యువల్, ఆటోమేటిక్‌ ట్రాన్స్‌మిషన్‌తో అనుసంధానం కలిగి ఉంటాయి. ఈ కారు సీటింగ్ కెపాసిటీ 5. ఈ కారు 18.06 - 21.2 కి.మీ/లీటర్ మైలేజ్ ఇస్తుంది. ఈ మహీంద్రా కారు మొత్తం 25 వేరియంట్లలో లభిస్తుంది.
Mahindra XUV 3XO Price : మార్కెట్లో ఈ మహీంద్రా కారు ధర సుమారుగా రూ.7.79 లక్షల నుంచి రూ.15.49 లక్షల వరకు ఉంటుంది.
4. Hyundai Venue :ఈ హ్యుందాయ్ వెన్యూ కారులో 998 సీసీ టర్బోఛార్జ్‌డ్‌ పెట్రోల్ ఇంజిన్ ఉంటుంది. ఇది 118 bhp పవర్‌, 172 Nm టార్క్‌ జనరేట్ చేస్తుంది. ఇది 6-స్పీడ్‌ మాన్యువల్, 7-స్పీడ్‌ ఆటోమేటిక్‌ (DCT) ట్రాన్స్‌మిషన్‌ అనుసంధానంతో పనిచేస్తుంది. డీసీటీ వెర్షన్‌ 12.58 కి.మీ/లీటర్ మైలేజ్ ఇస్తుంది. ఈ వెన్యూ కారు మొత్తం 32 వేరియంట్లలో లభిస్తుంది. ఈ కారులో ఎకో, నార్మల్‌, స్పోర్ట్‌ మోడ్స్ ఉంటాయి.
Hyundai Venue Price : మార్కెట్లో ఈ హ్యుందాయ్ వెన్యూ కారు ధర సుమారుగా రూ.7.94 లక్షల నుంచి రూ.13.53 లక్షలు ఉంటుంది.
5. Toyota Urban Cruiser Taisor :టయోటా అర్బన్‌ క్రూయిజర్‌ టైసర్‌ కారులో 998 సీసీ టర్బోఛార్జ్‌డ్‌ పెట్రోల్ ఇంజిన్ ఉంటుంది. ఇది 99 bhp పవర్‌, 147.6 Nm టార్క్‌ జనరేట్ చేస్తుంది. ఇది మాన్యువల్, ఆటోమేటిక్‌ (TC) ట్రాన్స్‌మిషన్‌ అనుసంధానంతో పనిచేస్తుంది. కారు 19.86 - 21.18 కి.మీ/లీటర్ మైలేజ్ ఇస్తుంది. ఈ టయోటా కారు మొత్తం 12 వేరియంట్లలో లభిస్తుంది.
Toyota Urban Cruiser Taisor Price : మార్కెట్లో ఈ టయోటా కారు ధర సుమారుగా రూ.7.74 లక్షల నుంచి రూ.13.04 లక్షలు ఉంటుంది.