నెలకోసారి వాషింగ్​ మెషిన్​ను ఇలా క్లీన్​ చేయండి - మురికిపోయి కొత్త దానిలా మెరుస్తుంది! - Washing Machine Cleaning Tips

Washing Machine : ప్రస్తుతం వాషింగ్​ మెషిన్ వాడకం కామన్​ అయ్యింది.​ టాప్​ లోడ్​ , ఫ్రంట్​ లోడ్ అంటూ నచ్చినవి​ కొంటున్నారు. ఇదిలా ఉంటే వాషింగ్​ మెషిన్​ను యూజ్​ చేయడమే కాకుండా దానిని క్లీన్​ కూడా చేయాలని చెబుతున్నారు నిపుణులు. ఈ క్రమంలోనే టాప్ ​లోడ్​ వాషింగ్​ మెషిన్​ను ఎలా క్లీన్​ చేసుకోవాలో ఈ స్టోరీలో చూద్దాం..

Top Load Washing Machine Cleaning Tips:ఈ రోజుల్లో వాషింగ్ మెషీన్​ను చాలా మంది ఉపయోగిస్తున్నారు. టాప్​లోడ్​, ఫ్రంట్​ లోడ్​ అంటూ ఎవరికి నచ్చినట్లు వారు తీసుకుంటున్నారు. ఈ మెషిన్​ ఉపయోగించడం వల్ల టైం చాలా సేవ్​ అవుతుంది. అయితే, చాలా మంది వాషింగ్​ మెషిన్​ శుభ్రత విషయంలో నిర్లక్ష్యంగా వ్యవహరిస్తుంటారు. పైన చూడడానికి శుభ్రంగా కనిపిస్తుందని.. లోపల కూడా బాగానే ఉందనుకుంటారు. అయితే దుస్తుల్ని చక్కగా ఉతికే వాషింగ్ మెషిన్‌ని నెలకోసారైనా క్లీన్ చేయాలని నిపుణులు అంటున్నారు. ఈ క్రమంలోనే టాప్ లోడ్ వాషింగ్ మెషిన్‌ని ఎలా క్లీన్ చేయాలో చూద్దాం..

టాప్​లోడ్​ వాషింగ్​ మెషిన్​ క్లీనింగ్​కు కావాల్సిన పదార్థాలు:

• సాఫ్ట్ క్లాత్
• పాత టూత్ బ్రష్ లేదా డిష్ స్క్రబర్
• డిస్టిల్డ్ వైట్ వెనిగర్
• డిష్ స్క్రబ్బింగ్ లిక్విడ్

క్లీనింగ్​ విధానం:

• నీటి గురించి వాషింగ్​ మెషిన్​లో సెటింగ్స్ ఉంటాయి. కొన్ని లేటెస్ట్ టెక్నాలజీ మెషిన్​లలో హాట్ వాటర్ ఆప్షన్ కూడా ఉంటుంది. మీ మెషిన్‌లో కూడా ఆ ఆప్షన్ ఉంటే హై హార్ట్ వాటర్, ప్రెజర్‌ది సెట్ చేయమంటున్నారు నిపుణులు. దీనివల్ల వాటర్ మెషిన్ చక్కగా క్లీన్ అవుతుందని.. ఆ ఆప్షన్​ లేకుంటే నార్మల్​ వాటర్​ ఆన్​ చేయమంటున్నారు.
• ఇప్పుడు ఎంచుకున్న సెట్టింగ్స్ ప్రకారం.. మెషిన్‌ని ఆన్ చేసి.. వాషర్ డ్రమ్‌ని నీటితో నింపమంటున్నారు. నీరు నిండిన తర్వాత.. డ్రమ్‌లో నాలుగు కప్పుల డిస్టిల్డ్ వైట్ వెనిగర్ వేయాలని చెబుతున్నారు.
• ఇప్పుడు వాషింగ్ మెషిన్ క్లీన్ చేయడానికి.. ఎక్కువ టైమ్ సెట్ చేసి రన్ చేయమంటున్నారు. ఎక్కువ సేపు తిరిగితే డ్రమ్ లోపల మురికి బయటకు వస్తుందని.. వాషింగ్ సైకిల్ పూర్తయ్యాక డ్రమ్‌లోని నీటిని తీసేయమంటున్నారు. మరోసారి వాటర్​తో క్లీన్ చేస్తే మొత్తం వెనిగర్ బయటికి వస్తుందని అంటున్నారు.

• అలాగే మెషిన్‌లో ఇన్‌స్టాల్ చేసిన డిటర్జెంట్ డిస్పెన్సర్స్‌ ఈజీగా బయటికి తీసేసేవి అయితే.. ఓ బకెట్ గోరువెచ్చని నీటిలో ఓ కప్పు డిస్టిల్డ్ వైట్ వెనిగర్‌తో కలిపి 15 నిమిషాలు ఉంచి క్లీన్​ చేయమంటున్నారు. డిస్పెన్సర్స్ తీయరాకపోతే అదే వేడి వెనిగర్ నీటిని వాటిలో పోసి నానబెట్టిన తర్వాత అందులో అంటుకున్న మరకల్ని క్లీన్ చేసేందుకు బ్రష్ వాడమంటున్నారు. మరోసారి వెనిగర్ కలిపిన గోరువెచ్చని నీటితో వాషింగ్ మెషిన్ రన్ చేస్తే.. మురికి మొత్తం బయటికి వచ్చి లోపల క్లీన్​ అవుతుందని అంటున్నారు.
• వాషింగ్ మెషిన్ లోపల క్లీన్ చేసిన తర్వాత.. బయట కూడా క్లీన్ చేయమని నిపుణులు సలహా ఇస్తున్నారు. బటన్స్, డోర్ అన్నింటిని క్లీన్ చేసి.. కాటన్ క్లాత్​తో శుభ్రంగా తుడవాలని అంటున్నారు. ఇలా నెలకొకసారి వాషింగ్​ మెషిన్​ను క్లీన్​ చేస్తే కొత్తగా కనిపిస్తుందని అంటున్నారు.

2010లో 'జర్నల్ ఆఫ్ క్లీనింగ్ సైన్స్ అండ్ టెక్నాలజీ'లో ప్రచురితమైన ఒక నివేదిక ప్రకారం.. వెనిగర్ డిటర్జెంట్ రెసిడ్యూను తొలగించడంలో సమర్థవంతమైనదని, ముఖ్యంగా మెగ్నీషియం స్టీరేట్ వంటి ఖనిజ లవణాలను తొలగించడంలో సహాయపడుతుందని కనుగొన్నారు.