Disabled Persons Nukkad Cafe In Chhattisgarh :సమాజంలోని విభిన్న ప్రతిభావంతులు, ట్రాన్స్జెండర్స్కు జీవనోపాధి కల్పిస్తున్నారు ఛత్తీస్గఢ్కు చెందిన ఓ వ్యక్తి. వారి కోసం కేఫ్లను ఏర్పాటు చేసి ఆర్థిక భరోసాను ఇస్తున్నారు. చెవిటి, మూగ, మరుగుజ్జులకు తన కేఫ్లో ఉద్యోగాలు ఇచ్చి ఆదుకుంటున్నారు. ఆయనే నుక్కడ్ కేఫ్ నిర్వాహకుడు ప్రియాంక్ పటేల్.
ఇంజినీర్ ఉద్యోగాన్ని వదిలేసి
ప్రియాంక్ పటేల్ నుక్కడ్ కేఫ్ను తొలుత 2013లో రాయపుర్లోని సమతా కాలనీలో ప్రారంభించారు. వృత్తిరీత్యా ఇంజినీర్ అయినప్పటికీ ఆయనకు ఆ ఉద్యోగంపై ఆసక్తి లేదు. ఏదైనా కుటుంబంలో విభిన్న ప్రతిభావంతులు పుడితే వారు పడే కష్టాల గురించి ప్రియాంక్ ఆందోళన చెందారు. ఈ క్రమంలో విభిన్న ప్రతిభావంతులు, ట్రాన్స్ జెండర్స్, మరుగుజ్జులు కోసం ఏదైనా చేయాలని తపించారు. ఇలాంటి వారికోసం ఒక వేదికను ఏర్పాటు చేసి ఉపాధి కల్పించాలని నిర్ణయించుకుని నుక్కడ్ కేఫ్లను ఏర్పాటు చేశారు.
50శాతం మంది వాళ్లే
ఇప్పడు రాయ్పుర్, దుర్గ్లో కలిపి నాలుగు నుక్కడ్ కేఫ్ ఉన్నాయి. వీటిలో దాదాపు 70 మంది పనిచేస్తున్నారు. ఆ సిబ్బందిలో 50 శాతం మంది విభిన్న ప్రతిభావంతులే. చెవిటి, మూగ, ట్రాన్స్ జెండర్స్, మరుగుజ్జులు కూడా ఉన్నారు. కేఫ్కి వచ్చే కస్టమర్లతో వీరు మాటామంతీ కలిపి కలిసిపోతారు. కస్టమర్లు ఆర్డర్ చేసిన తినుబండారాలను సరదాగా అందిస్తుంటారు. దీంతో ఈ కేఫ్ను కస్టమర్లు పెద్ద సంఖ్యలో వస్తుంటారు.
కస్టమర్స్తో నుక్కడ్ కేఫ్ ఉద్యోగి (ETV Bharat) ట్రాన్స్ జెండర్సే అక్కడ ఉద్యోగులు
అలాగే దుర్గ్లో ఉన్న నుక్కడ్ కేఫ్ను ట్రాన్స్ జెండర్స్ మాత్రమే పనిచేస్తున్నారు. వారు గౌరవంగా పనిచేసుకుంటూ మంచి ఆదాయాన్ని పొందుతున్నారు. అలాగే కేఫ్ వచ్చిన కస్టమర్లతో గౌరవంగా వ్యవహరిస్తున్నారు.
కస్టమర్స్ను స్వాగతిస్తున్న ట్రాన్స్జెండర్ (ETV Bharat) 'విభిన్న ప్రతిభావంతులు పట్ల ప్రజల ఆలోచన మారింది'
"నేను కేవలం 4 అడుగుల ఎత్తే ఉంటాను. నన్ను చూసి ప్రజలు ఎగతాళి చేసేవారు. ఉపాధి కోసం కూడా చాలా చోట్ల తిరిగాను. తర్వాత రాయ్పుర్లోని నుక్కడ్ కేఫ్ లో ఉద్యోగం ఇచ్చింది. నేను ఈ కేఫ్లో ఏడేనిమిదేళ్లుగా పనిచేస్తున్నాను. నాకు ఇక్కడ పనిచేయడం చాలా ఇష్టం. కేఫ్లోని కస్టమర్ల నుండి ఆర్డర్లు తీసుకోవడం నా బాధ్యత. నేను అన్ని పనులకు చేయగలను. ఈ కేఫ్ విభిన్న ప్రతిభావంతులు పట్ల ప్రజల ఆలోచనను మార్చింది." అని నుక్కడ్ కేఫ్లో పనిచేస్తున్న మరుగుజ్జు మనీశ్ తెలిపాడు.
నుక్కడ్ కేఫ్లో పని చేస్తున్న మరుగుజ్జు మనీశ్ (ETV Bharat) మూగ, చెవిటి యువకుడు సైతం
తానే భవిష్యత్తులోనూ ఇదే ఉద్యోగం చేయాలనుకుంటున్నట్లు కేఫ్లో పనిచేస్తున్న బధిర యువకుడు నీలేశ్ చెప్పాడు. కస్టమర్లు సంజ్ఞా భాషలో లేదా కాగితంపై రాయడం ద్వారా తనకు ఆర్డర్ ఇస్తారని తెలిపాడు. ఆ తర్వాత ఈ ఆర్డర్ను కిచెన్లో ఉన్న చెఫ్లకు తెలియజేస్తానని పేర్కొన్నాడు. కేఫ్కు వచ్చే కస్టమర్లు తమతో సంభాషిస్తారని వెల్లడించాడు.
నుక్కడ్ కేఫ్ ఉద్యోగి (ETV Bharat) సర్వీసుకు కస్టమర్లు సైతం ఫిదా
అలాగే కేఫ్లో విభిన్న ప్రతిభావంతుల పనితీరుపై కస్టమర్లు సైతం సంతోషం వ్యక్తం చేస్తున్నారు. తాను నుక్కడ్ కేఫ్కు క్రమం తప్పకుండా వస్తుంటానని పాయల్ అనే ఓ కస్టమర్ చెప్పారు. ఇక్కడ పనిచేసే సిబ్బంది సంజ్ఞల ద్వారా ఆర్డర్లు తీసుకుంటారని తెలిపారు. అలాగే నుక్కడ్ కేఫ్లో విభిన్న ప్రతిభావంతులు పనిచేస్తున్నారని మరో కస్టమర్ పేర్కొన్నారు. వారికి ఈ కేఫ్ ద్వారా మంచి వేదిక లభించిందని అభిప్రాయపడ్డారు. విభిన్న ప్రతిభావంతులు వేరే చోట పనిచేసేటప్పుడు అసౌకర్యంగా భావిస్తారని వెల్లడించారు.
