Live: ஸ்ரீபெரும்புதூரில் எடப்பாடி பழனிசாமி தேர்தல் பிரச்சாரம்! - EPS ELECTION CAMPAIGN - EPS ELECTION CAMPAIGN

செங்கல்பட்டு: அதிமுக சார்பிலும், அதன் தலைமையிலான கூட்டணிக் கட்சிகளின் சார்பிலும் போட்டியிடும் வேட்பாளர்களை ஆதரித்து, அக்கட்சியின் பொதுச் செயலாளர் எடப்பாடி பழனிசாமி இன்று (மார்ச் 29) மதுராந்தகம் மற்றும் பல்லாவரத்தில் பிரச்சாரம் மேற்கொள்கிறார். அதன் நேரலை காட்சிகள்..காஞ்சிபுரம் (தனி) தொகுதியில் அதிமுக சார்பில் போட்டியிடும் இ.ராஜசேகரை ஆதரித்து மதுராந்தகம் தேசிய நெடுஞ்சாலையில் பிரச்சாரம் மேற்கொள்கிறார். அதனை தொடர்ந்து, இரவு 7 மணியளவில் ஸ்ரீபெரும்புதூர் தொகுதியில் அதிமுக சார்பில் போட்டியிடும் பிரேம் குமாரை ஆதரித்து பல்லாவரம், ராஜேந்திரபிரசாத் பிரதான சாலையில் பிரச்சாரம் மேற்கொள்கிறார். இன்று காலை மதுரை மக்களவைத் தொகுதியில் அதிமுக சார்பில் போட்டியிடும் டாக்டர்.சரவணனுக்காக, மதுரை கே.கே.நகரில் அமைக்கப்பட்டுள்ள தேர்தல் பணிமனை அலுவலகத்தை, எடப்பாடி பழனிசாமி திறந்து வைத்தார். முன்னதாக, கடந்த 24ம் தேதி முதல் சேலத்திலிருந்து தனது பிரச்சாரத்தைத் தொடங்கிய எடப்பாடி பழனிசாமி, அதிமுக கூட்டணியில் விருதுநகர் நாடாளுமன்றத் தொகுதியில், தேமுதிக சார்பில் போட்டியிடும் விஜய பிரபாகரனை ஆதரித்து நேற்று பிரச்சாரம் மேற்கொண்டார்.